Popular Bible Verses from Luke 6

Share

Faʻa foaki ki he kakai̇́, pea ‘e faʻa foaki atu kiate kimoutolu. ‘ʻIo, ‘e foki atu hoʻo meʻaʻofá ko ha fuʻu tāpuaki, pea te ke fiu hono lolo hifo, mo toutou lulu ke hao, pea ‘e aʻu ai pē ʻo toe mahua atu ʻa e lelei̇́ ki ho fungá. He ko e fua naʻe faiʻaki hoʻo foaki̇́ ko ia pē ʻe fuaʻaki atu kiate koe ho tāpuaki̇́.”

Ka ai ha taha lelei, pea te ne fakahāaʻi pē ʻa e koloa lelei ‘oku fā‘ofale ʻi hono lotó, peá ka ai ha taha kovi, pea te ne fakahāaʻi pē ʻa e koloa kovi ‘oku fā‘ofale ʻi hono lotó. He ʻe ʻiloʻi pē ʻa e meʻa ‘oku fā‘ofale ʻi homou lotó mei̇́ he meʻa ‘oku mou lea‘aki̇́.

Ka mou ‘ofaʻi ʻe kimoutolu homou ngaahi fili̇́, mo failelei kiate kinautolu, pea mou tali ʻa e ngaahi kole nō ‘oku fai atú, ʻo ‘oua ‘e hohaʻa homou lotó pē ‘e toe fakafoki atu. He ‘e fakapale‘i lahi ai kimoutolu, pea te mou toki hoko ai ko e fānau mo‘oni ʻa e ‘Otua ʻo Langi̇́, he ‘oku ‘ofa ʻa e ‘Otuá foki ki he kakai mo‘ui ta‘ehounga mo faikovi̇́.

Mou faimanava‘ofa ki he kakai kehé, ʻo hangē tofu pē ko e faimanava‘ofa ho‘omou Tamai̇́ kiate kimoutolú.”

‟Pea ʻoua ‘e fakamāau‘i ʻa e kakai̇́, pea ‘e ʻikai fakamāau‘i kimoutolu. Pea ʻoua ʻe fakahalaiaʻi ʻa e kakai̇́ pea ʻe ʻikai fakahalaiaʻi kimoutolu. Mou fakamolemole‘i ʻa e kakai̇́ pea ʻe fakamolemole‘i kimoutolu foki.

Ka ko ʻeku akonaki ʻeni kiate kimoutolu kotoa ʻoku fakaongo mai kiate aú: ‘Ofa ki homou ngaahi fili̇́, pea fai lelei ki he kakai kotoa pē ‘oku nau fehiʻa mai kiate kimoutolú. Mou kole ha tāpuaki maʻa e taha ‘e kape mai kiate kimoutolu, pea mou lotua ʻa e kakai kotoa pē te nau ngaohikovi‘i kimoutolú.

Fai ki he kakai kehé ʻa e meʻa tatau ‘okú ke loto ke nau fai kiate koé.

Ka paa‘i ‘e ha taha ho kouʻahe ko eé, pea tuku ke ne paa‘i foki mo ho kouʻahe ʻe tahá. Peá ka holi ha taha ke fa‘oa ho koté, pea tuku ke ne ‘ave mo ho soté. Foaki ki ha taha pē ‘e kole atu kiate koe, pea ‘oua te ke holi ke fakafoki atu ha meʻa na‘e kole ‘e ha taha meiate koe.

He ʻe ʻikai fua kovi ha fu‘u ʻakau lelei, pea ‘e ʻikai foki fua lelei ha fu‘u ʻakau kovi.

‘Oku ʻiloʻi ʻa e ʻakau kotoa pē mei hono fuá. He‘ikai te ke toli fiki mei̇́ ha pota ʻakau talatala, pē toli kālepi mei̇́ ha pota ʻakau veli.