Popular Bible Verses from Luke 5

Share

Pea ʻi he ‘osi ʻene faiakó, naʻá ne pehēange kia Saimone: ‟Toe tahataha atu ki he lolotó, pea li̇̄ ai ʻa e kupengá ke fusi ha‘amou ika.”

Pea pehēange ‘e Saimone: ‟Tangata‘eiki, ko e talu ʻeni ʻemau toutai mei ʻanepō mo e hala ha meʻa ‘e ma‘u. Kaekehe, koeʻuhi̇̄ ko hoʻo fekaú, te u toe li̇̄ pē ʻa e kupengá.” Pea ʻi heʻenau li̇̄ ʻa e kupengá, ko e ika lahi mo‘oni na‘e ma‘ú, pea kamata mahae ai ʻa e kupengá.

Ka na‘e faʻa ʻalu ʻa Si̇̄sū ʻo kumi ha feitu‘u lōngonoa ke fai ai ʻene lotu lilo.

Na‘e ʻikai te u ha‘ú ke fakaafe‘i ʻa e kau failelei̇́, ka ko e kau angahalá ke nau fakatomala.”

Pea ʻi he mamata leva ʻa Saimone Pita ki he meʻa kuo hokó, naʻá ne tū‘ulutui atu ki he vaʻe ʻo Si̇̄suú ʻo ne pehē: ‟ʻEiki, ʻalu atu muʻa meiate au he ko e tangata angahala au.”

Pea tali ‘e Si̇̄sū kiate kinautolu: ‟‘Oku ʻikai ko e kakai mo‘ui lelei̇́ ‘oku ʻaonga ki ai ʻa e toketaá, ka ko e kakai mahamahaki̇́.

Pea naʻe toho leva ‘e he kau tangatá ʻa e ongo vaká ki ‘uta, pea nau li‘aki ai pē ʻenau meʻa kotoa ka nau muimui kia Si̇̄sū.

Pea lolotonga naʻá ne ʻi ha kolo ʻe taha, naʻe nofo ai ha tangata kilia. Pea ʻi he sio ʻa e tangata kiliá kia Sīsuú, naʻá ne tō tū‘ulutui ʻo kole kiate ia: ‟ʻEiki, kapau te ke loto ki ai, te ke lava pē ke fakamaʻa au.” Pea ala atu leva ʻa Si̇̄sū kiate ia, mo ne pehēange: ‟‘Oku ou loto pē ke fakamaʻa koe!” Pea mavahe leva ʻa e kiliá meiate ia.

Ka na‘e fakautuutu ai pē ʻa e mafola ʻa e ongoongo ʻo Sīsuú, pea ko e kakai tokolahi ‘aupito na‘e omi ʻo fanongo malanga mo fakamo‘ui honau ngaahi alanga mahaki ʻiate ia.