Popular Bible Verses from Luke 13

Share

‟Mou tūkuingata ke hū atu he matapā fāsi‘i̇́! He ‘oku tokolahi ʻa e kakai ‘e feinga ke huú, ka ‘e ‘ikai ke nau lava ke hū.

Pea ko eni, na‘e ʻi ai ha fefine kuo ta‘u ‘e hongofulu mā valu ʻene nofo tu‘apiko, koe‘uhi̇̄ ko hono ma‘u ia ‘e ha faʻahikehe. Pea kuo ‘ikai ke ne toe lava ‘o tu‘u tonu. Pea ʻi he mamata ʻa Si̇̄sū ki he fefiné, naʻá ne ui ange ke ne haʻu ki muʻa, pea naʻe folofola kiate ia: ‟Fefine, kuo fakatauʻatāina koe mei ho faingataʻaʻiá!”

Pea naʻe toki hilifaki hono nimá ki he fefiné, pea naʻe toe tu‘u tonu hake ‘o fakamālō ki he ‘Otuá.

Pea ko eni, ʻoku ʻi ai ha faʻahinga ‘oku li‘ekina ʻi he ʻahó ni, ka te nau nofomuʻa ʻi he kātoanga ko iā, mo ha faʻahinga ‘oku tuʻukimuʻa ʻi he ʻahó ni, ka ʻe li‘ekina ʻi he kātoanga ko iā.”

He ka tu‘u mai leva ʻa e tangata ‘oku ‘o‘ona ʻa e falé ‘o tāpuni ʻa e matapaá pea te mou tuʻu ʻi tuʻa ʻo tukituki ai mo ui atu, ‛ʻEiki ē, to‘o atu muʻa ʻa e matapaá!’ Ka te ne toki tali mai, ‘Oku ‘ikai ʻaupito te u ʻilo ‘e au kimoutolu pē ko hoʻomou haʻu mei fē.

Ko ʻeni ʻoku ou talaatú, naʻe ʻikai ʻaupito! Ka ʻokapau ʻe ʻikai te mou tafoki fakatomala ʻo tafoki ki he ʻOtuá, te mou ʻauha pehē pē foki mo kimoutolu hono kotoa.”

Peá te ne pehē mai ‘e ia, ‘Oku ‘ikai ʻaupito te u teitei ʻilo ‘e au kimoutolu! Mou ʻalu meiate au, ʻa e kau faikovi!

Pea pehē ange ‘e Si̇̄sū ki he kakai̇́: ‟Ko e hā ha meʻa ʻe fakatatau ki ai ʻa e Pule‘anga ‘o e ‘Otuá? Te u fakatatau nai ia ki he hā? ‘Oku hangē ia ha taha kuó ne tō ha tenga‘i mūsita heʻene ngoue‘angá. Pea ʻoku tupu hake ia ‘o hoko ko e fu‘u ʻakau lahi, pea haʻu ʻa e fanga manupuná ʻo ngaohi honau punungá ʻi hono ngaahi vaʻá.”