Popular Bible Verses from Luke 12

Share

Pehē foki mo kimoutolu, ke mou mateuteu ma‘u pē, he ‘e hokomai ʻa e Foha ‘o e Tangatá ʻi ha taimi ʻe ʻikai te mou mateuteu ki ai.”

Ka mou fakamuʻomuʻa ʻi hoʻomou moʻui̇́ ʻa e kumi ki hono Puleʻangá, pea ‘e ‘oatu ma‘amoutolu foki ʻa e ngaahi meʻa kātoa ko iā.

Pea toki pehēange ‘e Si̇̄sū kiate kinautolu: ‟Mou tokanga ʻo vakavakai ke maluʻi kimoutolu mei̇́ he faʻahinga kehekehe ʻo e mānumānú! He ‘oku ‘ikai makatuʻunga ʻa e mahuʻinga hoʻo moʻui̇́, ko e lahi hoʻo koloá.”

He ko e feitu‘u ‘oku ʻi ai ho‘omou koloá, ‘e nofo pē ki ai foki mo homou lotó.

Kohai ʻiate kimoutolu te ne lava ke toe fakalōloa atu ʻene mo‘ui̇́ ʻaki ha foʻi houa, koe‘uhi̇̄ ko ʻene lotomo‘ua ki ai̇́?

Pea toki pehēange ‘e Si̇̄sū ki heʻene kau akó: ‟Ko ia, ‘oku ou talaatu kiate kimoutolu, ‘oua te mou lotomo‘ua ki he anga ho‘omou moʻui̇́, pē ko e hā ha meʻa ke mou kai, pea mo homou sinó, pē ko e hā ha meʻa ke mou vala!

ʻIo, naʻa mo homou ngaahi tu‘oni lou‘ulú, kuo ‘osi lau fakalāutelau ‘e he ‘Otuá. Ko ia, ‘oua te mou manavahē! He ‘oku mou mahu‘inga ange kimoutolu, ʻi ha fanga kiʻi manupuna tokolahi.

Si‘i fanga sipi toko siʻi, ‘oua te mou manavahē, he kuo finangalo lelei ‘e ho‘omou Tamai̇́ ke foaki atu ma‘amoutolu ʻa hono Pule‘angá.

Mou sio ki he fanga lēveni̇́! ‘Oku ‘ikai ke nau tōta‘u, pē ututa‘u. Pea ‘oku ‘ikai hanau peito pē tukuʻanga koloa. Ka ‘oku fafanga kinautolu ‘e he ‘Otuá. ʻIkai ʻoku mou mahu‘inga lahi ange kimoutolu ʻi he fanga manupuna kotoa pē?

Ko ia, ‘oua te mou feinga holo ke ma‘u ha meʻa ke mou kai pē ha meʻa ke mou inu, pea ʻoua foki te mou lotomoʻua ki ai̇́.

Pea kapau ʻoku pehē ʻa hono fakateunga ‘e he ‘Otuá ʻa e ʻakau kakala ʻo e vaotaá, ʻa ia ‘oku matala pē he ʻahó ni, kae laku ki he afi̇́ ʻapongipongi, huanoa ʻa e mahulu atu ʻene fakateunga kimoutolú, ʻa kimoutolu ʻa e kau tui vaivai!

He ko e meʻa kotoa pē kuo fufū, ‘e fakaeʻa. Pea ko e meʻa fakapulipuli kotoa pē, ‘e ʻiloʻi.