Popular Bible Verses from 2 Tesalonaiká 2

Share

He ‘e angatu‘u ‘a e kakaí ia pea toki liuaki mai hotau ‘Eikí. Ka ‘e ‘uluaki hopo hake ‘a e tangata faikoví, ‘a ē kuo ‘osi pau hono faka‘auhá.

Kāinga, ‘oku ‘ofa ‘a e ‘Eikí ‘iate kimoutolu. Pea ‘oku langa‘i ai pē ‘emau fakamālō ki he ‘Otuá koe‘uhí ko kimoutolu. Ko kimoutolu na‘e ‘uluaki fili ‘e he ‘Otuá ke fakahaofí. Na‘e fakamā‘oni‘oni‘i kimoutolu ‘e hono Laumālié, pea na‘a mou tui ki he mo‘oní.

Ko e toko taha ko iá, te ne fakafepaki‘i ha me‘a pē ‘oku mā‘oni‘oni pe tāpuhā. Te ne a‘u ai pē ‘o nofo hifo he Temipale ‘o e ‘Otuá ‘o tala ko e ‘Otuá ia.

Kāinga, ‘oku ‘ofa ‘a e ‘Otuá ‘iate kitautolu. Ko e ‘Otua anga-lelei ia, pea kuó ne foaki mai ma‘atautolu ha fakatu‘amelie fakaofo mo ha nonga ta‘e ngata. Ko ia ai, ‘oku mau kole ma‘u pē ke tokoni‘i mo fakalotolahi‘i kimoutolu ‘e hotau ‘Eiki ko Sīsū Kalaisí pea mo e ‘Otuá ko e Tamai ke mou ‘ai ma‘u pē ke hoa mo taau ho‘omou me‘a ‘oku faí mo ho‘omou me‘a ‘oku lea‘akí.

Ko ia, ‘e fakangofua ai ‘e ‘Otuá ke takihala‘i kinautolu ke nau tui ki ha koto loi.

Ka hopo hake ‘a e tangata faikoví, ‘e fai ‘e Sētane ha ngaahi mana loi, mo ha ngaahi faka‘ilonga loi. Te ne kākaa‘i mo lohiaki‘i e kakai kuo ‘osi hē si‘enau mo‘uí. Na‘a nau mei hao pē, ka ko e ‘ikai ke nau fie ‘ofa he mo‘oní ka nau fakasītu‘a‘i iá.

‘Oku lolotonga ngāue mai hono ivi fufuú. Ka ‘oku ‘i ai e toko taha ‘okú ne ta‘ofi tu‘u ia. Pea ‘e ‘ikai ke lava ke hopo hake ‘a e tangata faikoví kae ‘oua leva kuo le‘ei ‘a e toko taha ko iá ki he tafa‘akí.