Popular Bible Verses from SIEMCHILBU 35

Share

Tualeh Pasian in a kungah “Kei Pasian bangkimbawlthei ka hi, chi tampi suongin hing pung inlen, genkham ching nam tampi leh nam tuomtuom nanga kipat hing um vanin, tualeh nangma tahsa akipat leengte zong ahing umdoh ding uhi. Tualeh Abraham leh Isaak kunga ka pieh gam khu nangma kungah hing pevangin, tualeh na nua a nahah nasuonte kungah gam khu pe zel vang,” achi hi.

Tuachi’n kisa vai in, Bethel ah peitou vai, tuanah ka lungdon lai a hing dawngpa leh ka pei peina lam a ka kunga um ngitnget Pasian a dingin maitam bawl vang” achi hi.

Tualeh Pasian in a kungah, “Na min Jakob ahi a, na min Jakob kichi nawnsih vanin, Israel ahizaw ta ding achi hi,” tuachiin amin Israel achita hi.

Jakob in a innkuonpite kung leh a kunga um zousie kungah, “Na lah ua gamdang pasien umte paimang unlen, kisusiengthou unlen, tualeh na puon sil uh heng un.

Tuachi’n Pasian in Jakob kungah, “Kisa inlen Bethel ah peitou inlen, tuanah tengin. Tualeh khunah na upa Esau kunga kipat a na taimang lai a, na kunga kilah Pasian a dingin maitam bawl in,” achi hi.

Tualeh hichi ahing ahia, a hagau aha ding kuonin (a shita a) amin Ben-oni a phuo a, hinanleh apan Benjamin chiin ahan hi.