Popular Bible Verses from RŌMA 6

Share

Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.

Pò ngam tökööl nö ötkô nö hayöngö yīö; pò yīö öt elkatòh ngam chöngö, elkatòh ngam inlōnti pöri.

Lökten hī ngaich ultu hol ò, löktö im vinôkö, im kinpaha Ò, hòṅ hī, sā Kristū hachohlöngö ṙā-ang i yip tö kapah, löktö i kanôlò ngam Yöng, ngatī ayī-ö min inrē lök im tufömngöre nômö.

Ui rēhĕn kētö nup tūmö alahare im tökööl nö aṅtī nup ötlanöökö, kētöre pöri yī-ö im Tēv öi tö aṅ ṙā-ang yip tökapah; nup tūmö alaha yīö inrē nö aṅtī ngam lanöökö nö im Tēv.

Akahalōn tö ngih, tö ngam höteh tarik hī nö harātu nö hol Ò, hòṅ ngam tökööl alaha nö ṙā-aiṙen, hòṅ ngam tökööl nö öt ngöhöre nö hayöng nö in hī.

Ngatī lōn yin yī-ö töre kapah, ṙāngö ngam tökööl; aṅ pöri im Tēv, lökten Kristū Yēsū, ngam Mā hī.

Sitih ṙô öi pakeh? Iṙūöhen öi im tökööl hòṅ ngam inlōnti nö pōyen? Öt halöngten e an ngam Tēv. Ayī-ö tö kapah ngaich öi ṙā-ang ngam tökööl, sitih höngngöhören öi min in e?

Öt akahalōn öyih, tö ngam chūök tī yīö kētöre öi kūön ngam töt inhôngen; kūön Ò yī-ö ngaich, ngam ahang chöngö yīö; yĕn ngam tökööl im kinpaha, hēk yĕn ngam töt inhôngen im lanöökö?

Ha-öinyö pöri yēḵ ngam Tēv; pò yīö sin misī kūön ngam tökööl, vītu yī-ö ngaich töt maha-ôngen im ellōn, öi im insā ngam inköphöti, ngam ṙeūngö yīö ngaich ṙānyuvö; Ngaich yī-ö ṙānyuvö ṙā-ang im tökööl, vītu yī-ö ngaich kūön ngam lanöökö.