Popular Bible Verses from INCHŌḴ-OṘÔ 13

Share

Akaha ön ngòh kumröönngöre nö hol röön tö akaha tarik, palā-aiṙen pöri min ngòh hamòl tö kulō-ovö.

Haköp nômöre an ngam amahtö elvāng re; palā-airen ön ngòh vamā-anykūö re nö pōitī.

Ngòh ṙamā-altī re nö chökṙen tö sumrīktö kūönre, anga-aṅ pöri ngòh tö hāngenlōn tö ò pētngen nö mikahlö lōn ò.

Vāhav tī an tö ellōn ngam tö hāṅtö yīhi mineūka, chōn nômö pöri ngam töteung tökūölōn.

Aṅten ò an ngam lanöökö ngam tö chiplö, sukngö ngam tötlöök pöri ngam tökööl.

Ka-eūingen nö keuheūt tö veūtö yanīhi kanôlò, ṙūöhölre sanīöpötī pöri ngòh töng rahëch rahëchyen hamūl.

Vīlö linā-alkūö an ngam inkeūlen ngam töt hòṅ hang, in cha pöri ngam mikah yip tö hòṅ halēnö.

Ṙā-akūö yip kūön yip kūönre ön ngòh tölöök tarik tö amin, ṙātu pöri nup kanôlò tötlöök nö lumnööṙö tölöök

Ngòh tö akaha nyīö hang inköptöre tö yöngre, öt hang vinëköre pöri ngòh tö mināch.

Öp yanāchö, miṙē-ĕvö inrē yih nö in ò ngòh samô-òṅ inköphöti, eū-eu pöri ngòh hamang vinëköre.