Popular Bible Verses from INCHŌḴ-OṘÔ 11

Share

Ṙūölöng kanôlò ön min ngòh tarik tö chulöṙen tī, ngòh ṙamös inrē min nö ṙösö.

Hĕng tak tarik tö chulöṙen tī nö kē-ĕti, ngaich sön nö sīöplöre kanôlò, ma-iṅ tīre öp tahëng nö kē-ĕti ngaich nöng sön nö hāṅten.

Yih ngam inkeūlen, ngaich yih ngam miṙē-ĕv, im tö yāchö ellōn pöri ngam mikah.

I chūök töt inchō-ovkūö, fukngö tarik; öt palā-aiṙen pöri i töpōyen mahalēn

Chōn an ngam ṙòng ngòh tölöök, kēngö nômö pöri ngam töt aṅhav-in tö chöngö.

Hameuktö töhayunka an ngam kumröönkö re nö söömngöṙô, anga-aṅ pöri ngam nyanatlö nö i ellōn haköp tö hayunka.

Ngòh tarik tö aheūkölōn hakôlò re, hachököre pöri ngòh tarik töt milēḵ chanökhutī.

Nyangngö ön min ngòh mahyönglen re nö i kanôlò, sā tö ayal rōichōn pöri ngòh tölöök min nö kôlòṙen.

Öt kanôlu ṙô në kanôlò ip sakāmö lanīnö, ngam lanöökö pöri ṙā-ang im kinpaha.

Inchōkūö cha an ngam hinëngö töchiplen, ngam tö kuròk tö michūḵ chanökhuṙen pöri fëlngen cha.

Sā humlum kinlong i minuh ha-un ön ngòh tövai kikānö töt akaha.

Sin-òṅkkūö ngam Mā Tēv an ngam tö minyôiny kinlah lumngan, kumchiklōn ò pöri ngam tölöök kinlah lumngan.