Popular Bible Verses from Mumkahten 9

Share

Nup la-en kanôtökūö kuntī meh, mā-anyre me-eṅ umuh hēk lōn, hēk inkaha, hēk mikah el Chūök Tökapah, öp chahūhu meh.

Hēk chū-ö el katòh ngam tavūöi meuk ngam insōlö nö öt im töveut, ötrēhĕn ngam kinyūngö nö im tö kalēḵ, öt rēhĕn nyā-aṅkūö nö im tö akaha, öt rēhĕn kanôlò nö im maharëtöre ötrēhĕn hanāngen nö i më tarik tö mileuchngen mikah; ṙētak pöri lanūngö inrē mī-in u nö ṙòkhöre.

Kumchikngenre i pīhöre öp hanāngenlōn meh, i rô-òtö nup sakāmö tö töl nômö meh nup kahëtö ò nö in meh el katòh ngam tavūöi, tön angū-ö an minchööḵö meh im nômö i la-en meh inrē nup vahīken meh el katòh ngam tavūöi.

Kuṙòh, kumchikngökūö re man nyā-avkūö tö nyā-aṅkūöre, òk vāin re inrē holtö ṙanāmölōn; tön ngaich an ngam Tēv nö hōḵ tö vahīṙen meh.

Ĕhten an ngam mikah tö aṅtī kunyung, hĕng tak pöri tököölö fālen töpōyen piyāingö tö tölöök.

Nup ṙô ngam tö-akaha hāngö nö el chanëven ĕhten tö hinū-a töp mahayöng nö i tökulō-ovö.

Pò ngam tö-aṅ nö akahalōn tö cha min nö kapah, öt mikahavlōn pöri ngam tökapah, ngaich rö-ö cha-a nö ōtre raneushö; chatngen pöri ngam kanöpölōn tö cha.