Popular Bible Verses from INLAHEN 11

Share

Ngaich hē ò nö kôtökūö tö ò, ngaich kēten ò nö i Anti-òk. Ngaich hĕng samyeūheu cha-a nö hamūlöre tök māṅ; ngaich pōyen haköpti tö tarik. Ngaich i Anti-òk yik mahaköp nö urĕh nö Kristīön invëka.

Chalôhë anga-aṅ, ngaich meuk ngam inlōnti aṅ im Tēv, ngaich ṙāmölōn; ngaich ṙuhöl alaha cha anga-aṅ nö ṙòkhöre; pòn hōtu cha-a nö haköpngöre nö im Mā, holtö ellōnre. Pò ò nö tölöök nö tarik; tö īnu tö ngam Töhet Fanöinylö, mikah inrē.

Yē ngam Tēv nö kē-ĕkūö cha tö ngam inlōnti, nö sā tīre nö in hī, hē ranehten hī ṙātö ellōnre im Mā Yēsū Kristū; achīö öich chū-ö tö kô tahngö ngam Tēv? Ngaich hē cha nö hāngö u, ṙangôre cha-a nö ngö ṙô, Ngaich Ang chĕi ngam Tēv nö kē-ĕkūö vē Tahëng mihëṅṙö tö invöötö ellōm im nômö.