Popular Bible Verses from Romen 4

Share

I pa ti perdi konfyans ni dout promes Bondye. O kontrer, son lafwa ti vin pli for e i ti loue Bondye. I ti sir ki Bondye i annan pouvwar pour akonpli son promes.

Parey i'n ekri dan Lekritir: Mon'n fer ou vin papa en kantite nasyon. Abrahanm i nou papa devan Bondye, dan ki i'n krwar. Dan sa Bondye ki rann lavi sa bann ki'n mor e ki donn legzistans sa ki pa ti egziste.

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

Menm kan ti sanble nepli annan lespwar, Abrahanm ti krwar e i ti espere. Alor, i ti vin papa en kantite nasyon, parey Bondye ti'n dir li: Ou bann desandan pou nonbre.

Pour sa rezon, sa promes i depann lo lafwa, pour ki i vin en don gratwi ki Bondye i fer, e pour ki i valab pour tou bann desandan Abrahanm. Non pa zis pour bann ki obei Lalwa, me pour tou dimoun ki krwar, parey Abrahanm ti krwar. Annefe, Abrahanm i papa nou tou.

Byennere sa bann ki zot fot in ganny pardonnen, e ki zot pese in ganny efase. Byennere sa enn ki Senyer pa pran kont son pese.

Annefe, Lekritir i deklare: Abrahanm ti krwar dan Bondye e akoz son lafwa, i'n ganny aksepte koman en zis.