Popular Bible Verses from Romen 12

Share

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

Pa les lemal domin ou. O kontrer, domin lemal par lebyen.

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Lanmour i devre senser. Deteste sa ki mal e reste atase avek sa ki byen.

Si i posib, fer tou sa ki depann lo zot, pour zot viv anpe avek tou dimoun.

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Pa fer pares, me servi Senyer avek tou zot leker.

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

Pa rann personn mal pour mal. Me fer tou sa ki posib pour fer sa ki byen devan tou dimoun.

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

E osi: Si ou lennmi i lafen, donn li manze; si i swaf, donn li bwar, akoz kan ou ava azir konmsa, ou pou plas li dan en sityasyon kot i pou santi li pe brile avek laont.

Demann Bondye beni bann ki persekit zot; demann li pour beni zot, pa pour modi zot. Rezoui avek sa enn ki dan lazwa, e pran lapenn avek sa enn ki dan lapenn.

Ed zot bann frer ki dan bezwen e pratik lospitalite.

Dan nou lekor, i annan plizyer manm e sak manm i ranpli en fonksyon diferan. Demenm, menm si i annan bokou nou, nou form en sel lekor avek Kris, e nou tou ansanm, nou form bann manm ini, parey dan en sel lekor.