Popular Bible Verses from Romen 10

Share

Si par ou labous, ou deklare devan tou dimoun ki Zezi i Senyer; si ou krwar dan ou leker ki Bondye in resisit li parmi bann mor, ou pou ganny sove.

Annefe, kan nou krwar avek tou nou leker, nou ganny zistifye, e sa enn ki anons avek son labous i ganny sove.

Ensi, lafwa i vin dapre ki nou ekout nouvel ki ganny proklanmen e sa nouvel, sa lanons parol Kris.

Annefe, Lekritir i deklare: Sa enn ki krwar dan li, pa pou dezapwente. Annefe, napa okenn distenksyon ant Zwif ek non-Zwif. Zot tou, zot annan menm Senyer ki devers son byenfe lo tou dimoun ki envok li. Annefe, parey Lekritir i deklare: Sa bann ki envok Senyer pou ganny sove.

Ki mannyer en dimoun pou anons li, si napa personn ki'n ganny anvoye? Parey Lekritir i deklare: Pa i gou war arive bann ki anons Bonn Nouvel!

Me ki mannyer zot pou envok li, si zot pa krwar dan li? Ki mannyer zot pou krwar dan li, si zot pa'n antann koz lo li? Ki mannyer zot pou antann koz lo li, si personn pa anons li?

Annefe, Kris i anmenn Lalwa Moiz ver son bit, pour ki tou dimoun ki krwar i ganny zistifye devan Bondye.