Popular Bible Verses from Filipyen 4

Share

Pa bezwen enkyet pour nanryen, me dan tou sirkonstans, dan lapriyer ek siplikasyon, avek en leker rekonesan, demann Bondye tou sa ki zot bezwen.

Alor, lape Bondye ki depas tou disernman imen, ava gard zot leker ek zot lespri ini avek Zezi-Kri.

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.

Mon kapab fer fas avek tou difikilte gras a Kris ki donn mwan lafors.

Reste touzour dan lazwa, ini avek Senyer. Mon repete: Reste dan lazwa.

Dan son larises, mon Bondye ava donn zot tou sa ki zot bezwen, par Zezi-Kri.

Met an pratik sa ki zot in aprann e resevwar avek mwan, swa sa ki zot in antann mwan dir, oubyen sa ki zot in war mwan fer. Bondye, ki donn lape, ava avek zot.

Montre zot bon anver tou dimoun. Senyer i pre pour retournen.

Mon konn viv dan lapovrete, osi byen ki dan labondans. Mon'n aprann kontant mwan partou dan tou sirkonstans, kan mon annan ase manze, oubyen kan mon lafen, dan labondans, koman dan lapovrete.

Mon pa pe dir sa akoz mon dan bezwen. Annefe, mon'n aprann kontant mwan avek sa ki mon annan.