Popular Bible Verses from Mark 14

Share

I ti priye, “Aba, Papa! Tou keksoz i posib pour ou. Retir sa lakoup devan mwan. Sepandan, pa dapre mon lavolonte, me dapre ou lavolonte.”

Veye e priye pour zot pa tonm dan tantasyon. Lespri i for, me lekor i feb.”

Mon dir zot, sa i laverite: Partou kot sa Bonn Nouvel ava ganny anonse, dan lemonn antye, sa ki sa fanm in fer, pou osi ganny rakonte an son memwar.”

I ti dir zot, “Mon leker i ranpli avek latristes lanmor. Reste isi e veye.”

Pandan ki zot ti pe manze, Zezi ti pran dipen. I ti remersye Bondye, kas sa dipen e donn son bann disip. I ti dir, “Pran, sa i mon lekor.”

Apre, i ti pran en lakoup diven. I ti remersye Bondye. I ti donn zot e zot tou, zot ti bwar. I ti dir zot, “Sa i mon disan, disan lalyans ki'n ganny verse pour bokou.

Zezi ti dir zot, “Zot tou zot pou abandonn mwan. Annefe, Lekritir i dir: Mon pou touy berze e bann mouton pou ganny disperse.

Leve, annou ale! Gete! Sa enn ki pe trai mwan, in arive.”

Zezi ti reponn li, “Mon dir ou, sa i laverite: Ozordi, avan ki kok i sant de fwa, ou pou'n renye mwan trwa fwa.”