Popular Bible Verses from Mark 11

Share

Pour sa rezon, mon dir zot: Tou sa ki zot demande dan lapriyer, krwar ki zot in deza gannyen e i ava realize pour zot.

Mon dir zot, sa i laverite: Si en dimoun i dir avek sa montanny: Sorti la e al zet ou dan lak. Si i napa okenn dout dan son leker, e i krwar ki sa ki i'n dir pou realize, sa pou arive.

Kan ou debout pour priye, si ou annan keksoz kont nenport ki, pardonn li, pour ki ou Papa ki dan lesyel ava osi pardonn ou, ou bann pese.

Zezi ti reponn zot, “Fodre krwar dan Bondye.

I ti ansenny sa bann dimoun. I ti dir zot, Pa i'n ekri: Mon lakaz pou ganny apele en lakaz lapriyer pour tou nasyon? Zezi ti azoute, “Me zot, zot in fer li vin en kavern bann bandi.”

Serten dimoun ti mars devan Zezi e lezot ti swiv li an kriyan, “Ozana! Beni sa enn ki vin lo non Senyer.

Beni sa rwayonm ki pe vini, rwayonm nou Papa David! Ozana dan lesyel!”