Popular Bible Verses from Mark 10

Share

Annefe, Fis-de-Lonm pa'n vini pour ganny servi, me pour servi e donn son lavi koman en ranson pour sov bokou dimoun.”

Zezi ti get zot. I ti dir, “Pour zonm sa i enposib, me pa pour Bondye. Annefe, pour Bondye, tou i posib.”

Zezi ti dir li, “Ale, ou lafwa in geri ou.” Deswit i ti war kler e i ti swiv Zezi lo son semen.

Alor, pa separ sa ki Bondye in ini!”

Alor, Zezi ti get li e i ti kontan li. I ti dir li, “En sel keksoz i mank ou: Ale, vann tou sa ki ou annan e donn bann pov; alor, ou ava ganny en trezor dan lesyel. Apre, vini e swiv mwan.”

Zezi ti demann li, “Ki oule mon fer pour ou?” Sa zonm aveg ti dir li, “Met! Fer mwan war kler ankor.”

Me i pa devre konmsa parmi zot. O kontrer, si enn parmi zot ki oule vin enportan, i bezwen vin zot serviter.

Mon dir zot, sa i laverite: Sa enn ki pa resevwar Rwayonm Bondye parey en zanfan, i pa pou zanmen antre dan Rwayonm.”

Me bokou ki premye pou vin dernyen; bokou ki dernyen pou vin premye.”

Me depi o konmansman lakreasyon, Bondye ti kre zonm ek fanm. Pour sa rezon, en zonm pou kit son papa ek son manman e atas li avek son fanm. Tou le de pou vin en sel laser. Alor, zot nepli de, me en sel laser.