Popular Bible Verses from LUK 7

Share

Hütsüeko Ihnü nüte yore, abükyünü ngusohba amüi amülah tsünü abükyü mülang khütango pehjükopü yuzi jüre. Ta sü khyang mülang azikyah pehjücho abinü amüi azikyah du ngusohre.” Hütsüpü Jisu-nü khingkutpü te yocho, “Nü münyiti pehjüko.”

Ko Jisu-nü khingkutpü te yocho, “Nü yudsinü nüh khümchoko; mülümxüpü tsieng.”

Jisu khangte, ajingte tranü anahshükihnü ajing kyangjücho. Hütsüpü abükyü kuvanü ajing nipehjücho ko ajing chah müthsüpnü axümlichi tuji tsünü müyühjücho.

mahkhang nü yanglang Ipu ronungsü I jangjang müdekheng lümre. Yah yuzeng du jüng, ko I kuliba tsü kyangpehnung. Ih miinü I pohki rothsarü yohpüpü yuzeng pohki tase bichirü nyüh khüdu. Ihnü khüdu te, ‘Wüng’ khang abinü würe; ko khüu te ‘Rung’ khang abinü rore; ko Ihnü I yurü te, ‘Hi nguching’ khang abinü hütsü nguchire!” Hi yuchide Jisu nyemüyangcho; ko abinü ximüla abi khanglang rorüh amülungte yocho, “Ihnü nührü te yore, Israel la Ihnü hiroh-i yudsi khodesü müngudhing!”

Hütsü shikhela tsü Jisu-nü füdhsa, dhsara ko amünyi nbünü rangcho nyitsarü adrong kyangjücho, ko nahtohrü adrong ngusohcho. Abinü Johan yusi hirüti te lalingcho, “Thali wüng ko nührünü tu ngucho ko yuchicho hütsü Johan te young: nahtohrünü ngure, jingjahrünü tsehchehre, mübhira kehrü müsachehre, nangtbengrünü yuchire, asürü kanglisohre, ko yuse atsa tsü ailümrü te thsingyure.