Popular Bible Verses from PONGAOPEIYU 8

Share

Zhaotu sünanou paoshee anai chena hapayu kisü rakiva hisü teilecho pohli phasü ngahsoua buloure.

Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.

Süthaisü Enou zhue, alia lühche alinou kushoa ratei tsüle hinou zhaopoa haibüa paikushoa paoyu sü Enou choue, “Kukhe rakivamai asütaonou houngpa laiyu bekho sütao vanou deiphao hi hrüa bumai hrülai donou daizhozhou ngaopisa! Daizho zhou ngaopisa! Daizhozhou ngaopisa!”

Süthaisü rakivamai ahai chenanou puh besü houng-e, alia meinou tao-a buyu dushoyu deichi büyu halisü zaihi polai thoure. Sühinou zai zha asü hinou zhalisü zhe datare

Süthaisü rakivamai asü chenanou puh besü houng-e, alia meikei kua keivavayu dushoyu teivuh alisü ratei vanou dekouloua deiphao hi rei zha asü hinou zhali hi ea dzühoung taohi kou loure. Teivuh süna zhihsü “Khayu” toue. Dzü zha asü hinou zhalisü khatare, alia soukhayu dzü süna külouyu vanou maikhemai alaosou thaire.

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.