Popular Bible Verses from PONGAOPEIYU 7

Share

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.

Puletao nou pai kusholoua shapae: “Khailu peiyuhai vebuh hi buyu Eletao Ramai ea Zhaotu hinou ve!”

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”

Südonou puletaosü Ramai vei vebuh nghojünou la-a bue ea kheihea nou puletao nou puhye sü puhvei rathoki hinou kuvah sou a bue. Vebuh hi buyu puhnou puh bahnou puletaoye sü hopeilai. Puletao sü hakia reizü pukhai laimoe; alia puletao pei hisü teinghinou-a moa meisou hatalinou-a chakhai laimoe.

“Ehnou Eletao Ramai kilaitao puva hi paoshee nomo koutesü deiphao, zai moa süübetaoye sü soushiwu khaiso.” Alia Ramai vei paoshee nowuyu puletao vei mai peisü zzü ali-a the raidaidaiwe (144,000) touyu sü Enou chouwe. Puletao sü Israel maitao khü kiahai hinoue