Popular Bible Verses from PONGAOPEIYU 3

Share

Zhukhaio, Esü kikhu hinou la-a khouwe; maitalinoua Apaisü chouloua kikhu houpeilouzü Enou puh hisü talouloua puhye koa touzholai, alia puhnou Eye koa touzholai.

Enou nevah taosü süwe; newo kao-a kaomoe, sou-a soumoe. Nenou kaomo louzü souyu sü Enou züpae! Ana nenou sou-a soumo, kao-a kaomo lülala baiyu do nou Enou neye Amü hinou süpalaiwulai!”

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.

Enou nevah taosü süwe. Zhukhaio, maitalinoua khulou hoyu houkhai touyu kikhuli Enou ne nghojühi pokhai peire. Neivei khouko daotu bubaie touyu sü Enou süwe, sütoukhai-a nenou Achi sü poloua Azhihsü bamoe.

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

Daiolouzü nenou, “Ewo haniwe ea kini alaosou ngaoloue, alia chemoyu hae,” tea paowe. Ana ne sü veahoyu, lelouhoyu, toure hayu, nghichayu ea baitoua laiyu maibaie touyu sü nelahnou sülou mohie.

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.

Südonou kaishulo, alia nehi chu koute buyu taosü teiteinou thaitamo jühinou soutsülo. Daiolouzü Enou nevah taosü Aramai nghojünou liche-a ngaolou moe.