Popular Bible Verses from SHURAI 32

Share

Mai sünanou paoe, “Ne zhih Jakob tea kupu khailai more. Nenou Ramai-a ae mai-a povare alia nenou koloure. Südonou ne zhih sü chu thainou ‘Israel’ tea kulai.”

Süthaisü mai sünanou paoe, “Teithe pare, Eye panou tabaio.” Ana Jakob nou chila peie, “Eye shiha peimo louzü neye panou talai moe.”

ana puh likhu buh sühisü bubaire. Süthaisü maili nou ve teithemo koute puhye pova-e.

Jakob nou paoe, “Enou Ramai ye ngaore ana E chua hria buhie.” Südonou buh sünasü “Peniel” tea puhnou sapeie.

Mai sünanou Jakob ye lolou hore touyu süloua puhye sü teikhao rao khoula peire.

“Ne zhih thaoe” tea mai nanou noure. Puhnou “Jakob” tea chila peie.

Jakob nou paoe, “Ne zhih-a ahi paokhaio.” Ana puhnou “Ne daisounou azhih sünüwe?” tea paowua puhnou buh sühinou Jakob ye shiha peie.

Nenou ne kilai Eye haizhou koute zhuvea leshi peiyu hai Enou ngaozü moe, daiolouzü süüpo likhi poa Enou Jordan rei kacho tabaie, ana chuo Enou me ahai sa-a khaivere.

Südonou chukoute Israel mainou teikhao rao hi buyu souke nasü toumoe, daiolouzü Jakob ye khoula peiyu sü teikhao rao sühie.

Süthaisü Jakob nou haikua veachi paoe, “Oh apaoh Abraham Ramai, apuo Isaak Ramai, Oh MAPAO, ahi haibüa paopeiyu Ramai, ‘Ne nuh hi ae ne kikhamai hi dakhai tawo, Enou neye havei soupeilai.’

Ajürai Esau bah hinou vupa peio tea khowe, molouzü puhnou Etao hrülaiye, pfümai ae nahmai koa souhawulai Enou ngaopie.