Popular Bible Verses from 1 JOHAN 4

Share

Leshi hisü piyu hae; liche-a leshiyu sünanou piyu teiteiye sü hulaiwu baiwe. Südonou leshi hai pi-a buyu maitali hisü southou liche loumoe, daiolouzü piyu sü tudee ngaore bue.

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

Eletao nou leshiwe daiolouzü puhnou Eletaoye rai-a leshipeie.

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

Maiye leshi moyu puhsü Ramaiye sümoe, daiolouzü Ramaiwo leshina baie.

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

Leshiyu sakhemaitao, Ramai nou haibüa Eletaoye leshi louzü, süthaisü Eletao-a alinou liye leshi züe.

Alia puh vanou Eletao hai hriloure donou Ramai nou puhvei likhuyu Nahpoutuye deiphao hi seikou peiwua, puh leshisü Eletao hi ngaopeiwure.

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.

Maitalinou Jisu hai Ramai Nahpoutue tea dua paopa louzü, Ramai nou puh hi tobai soumoa bue, alia puhsü Ramai hi tobai soumoa bue.

Khrista nou Eletao hi peikhai touyu chikha nasü haire; Ramaiye leshiyu maitalinou puh thaihou jüraiye-a leshi vuzülai.

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure. Haibüyu vanou neletao nou Ramai vei Rakoho Rakomoe touyu sü süloulai süolouzü: Jisu Khrista hai vasou hilonou ve-e tea dua paopayu rako hrülaisü Ramai hinou ve-e.

Ana Jisu vanou haisü dua paopa moyu rako hrülaisü Ramai hinou vemoe. Haisü Khristaye ngaobayu rakobaie, süsü velai tea süna vanou neletao nou chouloure, alia chuwo süsü deiphao hi velouloua bure.