Popular Bible Verses from ROM 8

Share

Pathian hmangaihtu, ama ruat anga a kohte tân chuan, an ṭhatna tûrin engkimin a thawhsak ṭhîn tih kan hria

Eng mahin - thihna te, nunna te, vântirhkoh te, lalna te, thil awm sa te, thil lo la awm tûr te, thiltihtheihna te, sânna te, thûkna te, thil siam dang rêng rêng te pawhin, kan Lalpa Krista Isuaa awm Pathian hmangaihna ata chu min ṭhen thei lo vang tih ka hre chiang a ni.

Chuvângin, Thlarau pawh chuan kan chak lohnaah min pui ṭhîn. Engtia ṭawngṭai tûr nge tih pawh kan hre si lo va. Thlarau chuan rûm sawi hleih theih lohvin min ṭawngṭaisak ṭhîn a ni.

Chûng thu-ah chuan eng nge kan sawi tâk ang? Pathian kan lama a ṭan chuan tuin nge min do thei ang?

Chutichuan, tûnah zawng Krista Isuaa awmte tân chuan, thiam loh chantîrna rêng a awm tawh lo.

Tisa lam thil duh chu thihna a ni si a, Thlarau lam thil duh erawh chu nunna leh thlamuanna a ni.

Thei suh e! Chûng zawng zawngah chuan min hmangaihtu avângin ropui taka ngamtu kan ni.

Tûna tuarnate hi nakîna kan tân ropuina tihlan tûr nên chuan tehkhin thamah ka ruat si lo.

Krista hmangaihna ata chu engin nge min ṭhen thei ang? Hrehawmnain emaw, mangannain emaw, tihduhdahnain emaw, ṭâmin emaw, saruaknain emaw, khandaihin emaw min ṭhen thei dâwn em ni?

Mi thinlung enfiahtu Pathian chuan, Thlarau sawi tum chu eng nge ni tih a hria; Thlarau chuan Pathian duhzâwng ang zêlin min ṭawngṭaisak si a.

Pathian Thlarau hruaia awm apiangte chu Pathian fate an ni e.

Tisa dâna awmte chuan tisa lam thilte an duh a, thlarau dâna awmte erawh chuan Thlarau lam thilte an duh ṭhîn.

Ama Fapa ngei pawh zuah lova, kan zaa tâna petu chuan engkim a thlâwnin min pe tel lo vang em ni?

Chu Thlarau ngei chuan keimahni thlarau nên inkawpin, Pathian fate kan nih min hriattîr a. Pathian fate kan nih chuan a roluahtute kan ni, Krista tuarna kan ṭâwmpui si chuan a ropuina pawh kan ṭâwmpui ngei dâwn a ni.

Tisa duhzâwng chuan Pathian a do va, Pathian Dân a zâwm si lo va, zawm pawh a zâwm thei hek lo

Thil siam zawng zawngte chuan Pathianin a fate a tihlan hun an nghâkhlel êm êm a ni.

Thil siam zawng zawng chu tûn thlengin nau vei rûm angin an rûm tih kan hria.