Popular Bible Verses from ROM 6

Share

Sual man chu thihna a ni si a; Pathian thilthlâwnpêk erawh chu kan Lalpa Krista Isuaah chuan chatuan nunna a ni.

Sual chuan in chungah thu a nei dâwn tawh si lo; Dân thuhnuaia awm lova, khawngaihna thuhnuaia in awm tawh zâwk avângin.

Baptisma kan chanin a hnênah phûmin kan awm ve a, a thihna chu kan ṭâwmpui a ni; chutiang bawkin, Pain mitthi zîng ata ropui taka Krista chu a kaihthawh ang khân, keini pawh nun tharin kan lêng tawh ang.

In taksa pêng a enga mah thil ṭha lo tih nân sual hmantîr tawh suh u; mitthi zîng ata nung leh angin Pathian hnênah inhlân ula, in taksa pêngte pawh chu ama hnênah felna hriamhrei atân pe zâwk rawh u.

Sual bawiha kan awm tawh loh nân sual pu taksa hi tihlum tûrin, kan mihring hlui chu a hnênah khenbehin a awm tawh tih kan hre si a.

Chutiang bawkin nangni pawh sual lama thi tawhah inngai ula, Krista Isuaah Pathian lama nungah inngai rawh u.

Eng nge kan sawi tâk ang le? Khawngaihna chu a pun nasat theih nân kan sual lui zêl dâwn em ni? Dâwn suh e, keini sual thihsan tawhte chu sualah engtin nge kan la chên reng theih ang?

Tu hnênah pawh a thu awih tûra in intukluh tawh chuan, a thu in awiha bawih chu in ni - sual bawihah a nih chuan thihna, thuawihna bawihah a nih chuan thiam channa a ni ang tih in hre lo vem ni?

Sual bawih in ni tawh a; mahse, an hlan chhâwn che u Chanchin Ṭha zirtîrna thu in dawn chu thinlung takzeta in zawm avângin, sual bawih ata chu tihchhuah in ni a, dikna bawih in lo ni ta. Chuvângin, Pathian hnênah lâwmthu awm rawh se.