Popular Bible Verses from ROM 5

Share

Amaherawhchu, Pathianin min hmangaihzia a lanna chu - mi sual kan nih reng laiin Krista kan tân zu thi a!

Chu beiseina chuan min tibeidawng lo va. Thlarau Thianghlim min pêk hmangin kan thinlungah hian Pathian chuan a hmangaihna chu a rawn leih ta si a.

Chu bâkah kan hrehawmnaah pawh kan lâwm zêl a ni; hrehawmna chuan chhelna a hring ṭhîn a, chhelna pawh chuan nghehna a hring a, nghehna chuan beiseina a hring tih kan hre si a.

Tichuan, rin vânga thiam kan chan tâk avângin, kan Lal Isua Krista zârah Pathian nên inremin kan awm ta. Amah avâng vêk chuan tûna kan awmna, khawngaihna hnuaiah hian, rinnain kan lût ta a, Pathian ropuina kan la ṭâwm tûr beiseina avângin kan lâwm bawk a ni.

Eng mah ti thei lo kan nih lai khân a hun takah Krista chu mi sualte tân a lo thi ta si a.

A thisen avâng chuan Pathianin thiam min rawn chantîr ta a; thinurna lak ata chu ama zârah min va chhan chhuak dâwn êm!

Mi pakhat thu awih lohna avâng khân mi tam tak mi sual an ni ta a, chutiang bawkin mi pakhat thuawihna avângin mi tam tak mi dik an ni ang.

Chu chauh chu a ni lo, tûna inremna min petu kan Lalpa Isua Krista zârah chuan Pathianah kan lâwm bawk a ni.