Popular Bible Verses from ROM 12

Share

Tûnlai khawvêl awm dân ang hi ṭâwm suh u; in nun phung chu, in rilru tihthara awmin, tihdanglam ni vek rawh se; tichuan, Pathian duhzâwng, ṭha leh lawm tlâk leh ṭhat famkim chu in hrethiam thei ang.

Chuvângin, unaute u, Pathian khawngaihna avâng hian, inthawina nung leh thianghlim, Pathian lawm tlâk ni tûrin, in taksa chu a hnêna hlân tûrin ka ngên a che u, chutiang chu in rawngbâwl dân tûr tak a ni e.

Beiseina chuan tilâwm che u sela, tihduhdah in tuar pawhin chhel takin tuar ula, eng lai pawhin ṭawngṭai rawh u.

Sual ngam chein awm suh la, ṭhatnain sual chu ngam zâwk rawh.

Unau inlainat angin inlainat tawn ula, inchawimawi tawn uar rawh u.

Hmangaihna chu vervêkna tel lovin ni rawh se. Sual chu hua ula, a ṭha chu pawm tlat rawh u.

Nangni chuan in theihtâwpin mi zawng zawng nên inrem tum rawh u.

Duh takte u, phuba la suh ula, Pathian thinurna kian zâwk rawh u. “ ‘Phuba rêng rêng keima lâk tûr a ni, keiman ka thungrûl ang,’ Lalpan a ti,” tih ziak a ni si a.

Inthlahdul hauh lovin rilru phûr takin Lalpa rawng chu bâwl rawh u.

Pathian mi pêk khawngaihna avâng hian in zînga tu mah inngaihlu lutuk lo tûrin ka ngên a che u. Pathianin mi tin hnêna rinna a pêk ang zêlin mahni phu tâwk rilru pu rawh u.

Sual chu sual vêkin thungrûl lo ula, mi zawng zawng ngaiha mawi ngaihtuah zâwk rawh u.

Angkhat vekin inen ula, intivei suh u, mi tête pâwl zâwk rawh u.

Chuvângin, i hmêlma a rilṭâm chuan ei tûr pe rawh, a tuihâl chuan in tûr pe rawh; chutianga i tih chuan a zak êm êm dâwn a ni.

A tiduhdahtu che u chu malsâwm ula, ânchhia lawh suh u. Lâwmte chu lâwmpui ula, ṭapte chu ṭahpui rawh u.

Unau tlachhamte chu chhawmdâwl ula, mikhual lawm chîng rawh u.

Taksa pum khatah pêng hrang tam tak kan nei a, pêng zawng zawngin thawh hrang an nei ṭheuh; chutiang bawkin keini pawh tam tak ni mah ila, Kristaah chuan taksa pumkhat kan ni a, kan za hian taksa pêng anga inzawm tawn ṭheuh kan ni.