Popular Bible Verses from ROM 10

Share

I kâin Isua chu Lalpa a ni tih i ṭana, mitthi zîng ata Pathianin a kaitho tih i thinlunga i rin chuan, chhandam i ni ang.

Thinlunga ring chu thiam chantîr an ni a, kâa ṭan chu chhandam an ni bawk a.

Tichuan, rinna chu thu hril an hriat avângin a lo awm a, thu hril chu Isua Krista thu hi a ni.

Lehkha Thu-in, “A ring chu tu mah an mualpho lo vang,” a ti a ni. Juda nih emaw, Grik nih emaw danglamna a awm chuang lo; Lalpa pakhat chu an zaa Lalpa a ni a; amah lamtu apiangte tân chuan engkim a ngah a ni. “Tu pawh Lalpa hming lam apiang chhandam an ni ang,” tih a ni si a.

Tirh an nih si loh chuan tu nge hril ang? “Thil ṭha chanchin rawn hriltute ke chu a va mawi êm!” tih ziak ang khân.

An rin lohva chu engtin nge an lam theih ang? An hriat lohva chu engtin nge an rin theih ang? Hrilhtu an awm si loh chuan engtin nge an hriat ang?

A ring apiangte thiam chantîra an awm theihna tûrin, Krista chu Dân tibângtu a ni si.