Popular Bible Verses from SAM 37

Share

LALPA chu nêl la, I dîl apiang a pe ang che.

I awm dân tûr chu LALPA chungah nghat la, Amah ring la, a tihsak vek ang che.

LALPA-ah chuan châwl la, Amah chu nghâk fan fan rawh. Hausa thutte awt suh ang che, Thil sual titute thîk hek suh.

LALPA ring la, thil ṭha ti rawh, He ramah hian awm la, A hausakna tlân rawh.

An kalna tûr LALPAN a ruatsak a, An nun dânah a lâwm bawk ṭhîn. Tlu ṭhîn mah se, an tlu hlen lo vang, LALPAN an kut a chelh zui ṭhîn a ni.

I dikna chu ni angin a êntîr ang a, I rorêlna dik pawh chhûn êng ang a ni ang.

Thinrim bân la, thinur sim rawh, Intihrehawm duh suh, thil sual i tih phah dah ang e.

Ka naupan lai ata ka lo tar hnu thleng hian, LALPAN mi dik a thlahthlam tâk ka hre ngai lo, An fate pawh chaw khawn ka hmu hek lo.

Mi sualte avângin intihrehawm suh la, An thil dik lo tihte awt bawk hek suh.