Popular Bible Verses from SAM 103

Share

Aw ka thlarau, LALPA chu fak rawh, A ṭhatna zozai hi theihnghilh suh ang che.

I bawhchhiatna tinrêng a ngaidam a, I natna zawng zawng pawh a tidam a, I nunna chu khur thûk ata a tlan chhuak a, Ngilneihna leh lainatnain min hual vêl ṭhîn. Thil ṭha tinrêng ka duh tâwk min pe a, Mupui angin kei pawh ka tuai thar ṭhîn.

Aw ka thlarau, LALPA chu fak la, Ka chhûnga awm zawng zawng hian a hming thianghlim chu fak rawh se.

Pain a fate a lainat ṭhîn ang hian, LALPAN amah ṭihtute chu a lainat ṭhîn.

Khawchhak leh khawthlang a inhlat ang hian, Kan khawlohna min dah sawnsak ta daih a ni.

LALPA chu mi lainat ṭhîn, khawngaih thei tak a ni, Thinnel, ngilneihna ngah a ni.

Kan sual angin kan chungah a ti lo va, Kan bawhchhiatna angin min thungrûl duh hek lo. Lei aiin vân a sâng ang hian, Amah ṭihtute chungah chuan a ngilneihna a sâng a ni.

LALPAN vânah a lalṭhutthlêng a han rem a, Engkim chungah ro a rêl ta.