Popular Bible Verses from Zãa 12

Share

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Inɛ iyi í bi kuwɛɛɛ á na ku kuaɛ. Inɛ mɔ iyi kù saalu kuwɛɛɛ ngɔgɔ, sɔɔlui kuwɛɛ hai tãi lafɛ̃ɛ wa ce.

Ntɔ ntɔ ǹ wa n sɔ̃ ŋɛi, bii ijui iya kù cuku si ilɛ kù ku, nŋu akãi á maa wɛɛ. Amma bii í ku á bí iju nkpɔ nkpɔ.

Amui ǹ jɛ inya kumá, nɔ ǹ naai si andunya ku ba inɛ iyi í dasim naanɛ fei ku maà wa si ilu kuku má.

Inɛ iyi í gbɔ idem nɔ kù waa saaluɛ, kù jɛ amui an yɛ taalei lafɛ̃ɛ. Amu ǹ naai n na n faaba inɛi andunya ŋa, n kù naa ku yɛ taale nŋa.

Wee Maari í nɛ tuaei fia nkpɔ gɔ iyi à ce do ikpoi naadi alala, zakai bubui liiti. Ŋɔi í koo í soo í naa í fãsi isɛi Jesu, nɔ í gbãa do ntoi iriɛ. Ŋɔi inunui tuaeu í gba kpasɛ̃u fei.

Ŋɔi à so wuai kpakpa à waa bɔ ku koɛ. À dɔ̃ anu hee lele à waa ni, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ilaaɔ̃ ku weeɛ, awɔ ilaalui Izirɛli.

Ŋɔi Jesu í sɔ̃ ŋa í ni, awaati í to mbɛ bɛi bii inɛ ŋa aa yɛ amboei amu Amai Amanɛ.