Popular Bible Verses from Kufita 17

Share

Bii Moizi í wu awɔɛ lele, inɛi Izirɛli ŋai gbugbã nŋa í ya re. Amma bii í baaò awɔɛ wa ilɛ, inɛi Amalɛki ŋai à ya re do gbugbã. Waati iyi awɔi Moizi ŋau à na à gbɛɛji, ŋɔi Arɔ̃ɔ do Uu à koo à so kuta gɔ wa à naa à jilɛa Moizi í buba si. Nɔ aŋa minjiu à waa leekĩ cingaa do cingaaɛ à waa mu awɔɛ ŋau lele. Nɔ bɛɛbɛi awɔɛ ŋau fei à wa lele hee inunu í koo í lɔò.

Nɔ an koo n maa n leekĩ bi kuta gɔ si iri kutai Ɔrɛbu. I naa wa bɛ ŋa, nɔ i cã kutau do goloɛu, inyi á fita nɔ inɛ ŋau a mɔ. Bɛɛbɛ mɔi Moizi í ce si wajui inɛ ngbo ŋau. Nɔ í sɔ tengi bɛ Masa do Meriba, waatɔ laakai ku cɔ do ija ku dɛdɛ. Í sɔ inyau bɛɛbɛi si na iyi í jɔ̀ inɛi Izirɛli ŋa à dɛdɛ ijaɛ nɔ à cɔ laakai Aɔ̃ Lafɛ̃ɛ, à waa ni, Aɔ̃ Lafɛ̃ɛ í wa bi tu wa mbɛ de mà kù wɛɛ.