Popular Bible Verses from Kufita 15

Share

Í ni, bii ì waa gbɔ imui ide ku fɔi amu Aɔ̃ Lafɛ̃ɛ nŋɛ do laakai, bii ì waa ce iyi í tɛ si wajum ŋa, nɔ ì waa de itĩ si woodam ŋa, nɔ ì waa jirima wooda ŋau fei ŋa, n kaa n dasi ŋɛ bɔ̃ɔ kãma bɛi ǹ dasi inɛi Ezibiti ŋau. Amui ǹ jɛ Aɔ̃ Lafɛ̃ɛ nŋɛ, nɔ amui an faaba ŋɛ hai si bɔ̃ɔ nŋɛ.

Aɔ̃ Lafɛ̃ɛi í jɛ gbugbãm, nŋui í faabam, an kɔ̃aa iri. Nŋui í jɛ Lafɛ̃ɛm an saabuɛ, nɔ í jɛ Lafɛ̃ɛi baam, an sisi kulaɛ.

Aɔ̃ Lafɛ̃ɛ, mii í la í toɛ si mii iyi inɛ ŋa à waa tɔɔ fei. Yooi í toɛ do kumá nla nlaɛ. Yooi í toɛ iyi í jɔ a saabu. Yooi í toɛ do maamaake ŋa ku ce.

Do araareɛi ì gbã inɛɛ ŋau nɔ ì faaba ŋa. Do gbugbãɛi ì bɔò ŋa bi kuwaɛ iyi í má.

Waati iyi à to Mara à ba inyi bɛ, amma a kù yɔkɔ a kù mɔ inyi iyi í wa bɛu domi í roi. Nŋui í jɔ̀ à ya kpe inyau Mara, waatɔ kuro. Ŋɔi inɛ ŋau à waa gbagba si Moizi à waa ni, mii aa ka mɔ. Nɔ Moizi í tɔɔ Aɔ̃ Lafɛ̃ɛ nɔ Aɔ̃ Lafɛ̃ɛ í nyisiɛ jĩi gɔ. Nɔ Moizi í so jĩi nɔu í sɔsi inɔ inyiu nɔ inyiu í baa í dɔ̃. Hai Mara bɛi Aɔ̃ Lafɛ̃ɛ í na inɛ ŋau wooda iyi aa maa mu, nɔ í sɔ̃ ŋa yaase bɛi aa maa jɛò kuwɛɛ nŋa. Tengi bɛ mɔi í cɔ laakai nŋa.