Popular Bible Verses from JON 15

Share

“Darkha bangtei I-le, kha hang- tei gonyiile, gudato taksupii kalei ninado Inii ah dato taksupii kalei ahteinii ti hangniikii matile; kada- pokii I-haisupiinii gonyiinii samah kado tiipei wolakle.

Gudato taksupii leilo, sateichii Inii gonyii dato taksupii leitangle. darkha bang kiteito kha teinii taksupii lei sule- ponii, ah roinapii ti matipei kalak takumpii, gonyiinii gudato taksupii lei suleponii, gonyiido ti matipei wolakle.

Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

Mei kata hangninanii mpou mah kangmei jangpii tai kapyii; aidoito mei kado lungkasyii dikaki gale.

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

Inii gonyiigo lungkasyii takumpii gonyiido hangninanii hang- niniigo kalungsyiilo katu ai gonyii dakii pyiikalei kakhatsamle.

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

“Kasang darkha bangtei I-le, sateichii darkha toipyiilu katiipii tei gu Pfiile.

Mei kata hang- ninanii gudato taksupii lei suleponii, ahgo kha takumpii toido toile taido taiga tule; sateichii ahnyiinii teigo tei poi nkom wosii mi sumkii toikaisii rutoi leile.

“Gumah ka-nta ai gonyii dato leimatu tang karam jangpii; sateichii gonyii mah ka-nta tei matwi mashang matutang karam jangpii, sam hang ai Inii gonyii dakii tam takle.

Inii Pfii mah kakhatsam hangtei swi wosii, mpoumah lungkasyii kiteito kalei takumpiinii, gonyiinii gumah kakhatsam hangtei swiwo leponii, gonyiinii gumah lungkasyii kito taksupii leitangle.

Gonyii hangninanii hangniniigo kalungsyii matutang karam jangpii kakhatsam ai Inii gonyii dakii pyii leile.

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.