Popular Bible Verses from MARK 13

Share

Kei ziekin mi chengcheng muhdah hi’n lau; himahleh, a tâwp chana thuok ngâp chuh, zie ngêi chuh hukdam in um ina.

Chingthei unla, kiging zinga um in paucham un; a phat chuh na he puoh ngâl u a.

Chuleh, a hun mat u a, vaihawmna In a a hun puih hun u leh, bang ka gen die aw ti’n ngaihtuoh khawl kiu in, a hun taka hung kipie chuh gen zawu un. A gen ding chuh nanguh hilo in, Thagau Thiengtho hi zaw ding ahi ngâl a.

Lei leh van bei intin, ka thu vang chuh bei puo’n a.

“Himahlele, zie ni leh dâk thu chuh, Pa ngâllo chun, kuoma’n, van a van sawlchakte’n le, Chapa’n le a he puou hi.

Chuleh, kido thu leh kido thuthang na zak tieng u leh, lungzîng kiu; zie thil haw chuh a hung um ding mawng ahi; himahlele, a tawpna chuh hi tadih puo’n a.

Zieziekchun, kiging zingin um u; Inneipa hung ding phat chuh, nitâk lam ahim, zankhang ahim, âk khuon ahim, zingkal ahim, a hih ding na he puoh ngâl u a. Khutilochun, hung phut in, ipmu’n hun mu kha’n a. Chun, na kawm u a ka gen hi, mi chengcheng kawma ka gen ahi: Kiging zingin um un,” a ti a.

Nam chuom leh nam chuom kido untin, gam chuom leh gam chuom kido ding ahi ngâl u a; mun chuom chuom ah inling um in tin, kiel leh buoina tung intin; ziehaw chuh nauhanat kipatna ahiu hi.

Khutichun, tawpna a tun masang in, Chanchin pha chuh mi cheng kawma gen in um ina.

Mi tamtak, ‘Krista ka hi’ ti’n Ka min in hung un tin; mi tamtak hun dawha bawl ding ahiu hi.

“Himahleh, chingthei u; vaihawmte hun matsak un tin, chun, kikhawpna In ah zêp hi’n na tin uh; kei ziekin vaihawmte leh lalte ma ah Chanchin pha hetsakna dingin puih hi ding na hi ngâl u a.

Krista lêmte leh thiemgau lêmte hung pawt ding ahi ngâl u a. Tiemtehna haw leh thilmak haw bawl un tin, hihthei vang leh telte nasan le puih mang guo’n au.

“Himahleh, zie nihaw, zie buoina hun zawh chu leh, nisa hung thim in tin, tha vak ta puo’n tin, Van apat in aksihaw chu kieu in tin, van thilhih theihna um haw chu suklîng hi’n au.