Popular Bible Verses from MARK 12

Share

Isu’n, “Thupiek chengcheng laka a lopipen chuh, ‘Ngaiin, Israel: LALPA I Pathien u chuh LALPA khat mai ahi a; LALPA na Pathien chuh na lunggil chengcheng, na thagau chengcheng, na ngaihtuohna chengcheng in leh na hatna chengcheng in na hehpih ding ahi’; ziehi thupiek lopipen chuh ahi. A bana chuh ziehi ahi: ‘Nangmah na kihehpih guolin na vengte le na hehpih ding ahi,’ tih hi. Zie sanga thupiek lopi zaw hi a um puoi,” ti’n a dâwng a.

Tichun. sinsakte a kawmah a sam khawm a, a kawm u ah, “Tihtakzet a ka hun hilh na hiu hi, tuoklawm bawma khie chengcheng te sangin, zie meithai neilah tak hin a khie tam zawi. Amau haw chun a neih val u apat a khiek uh ahi a, amah hin vang a deih lai tak, a neih chengcheng, a kitundinna ding chengcheng chuh a khiek zawh vek a hih ziekin,” a ti a.

Chun, Isu chuh tuoklawm bawm zawn achun a chu a, tuoklawm bawma mipite dangka khiek zie chuh a en a; mi neizo tamtak haw chun tampi pi a khieu a. Zie chun, meithai neilah tak khat a hung a, matiek nih a khie a, zie chuh paisa khat hu ahi.

Mi’n Pathien chuh a lunggil chengcheng leh, a ngaihtuohna chengcheng leh, a hatna chengchenga a hehpih ding ahi a; chuleh, amah a kihehpih guola a invengte le a hehpih ding ahi. Zie thupiek nih te zawp hi, hâlmang thilpiek leh kithawihna dang cheng sanga pawimawh zaw ahi,” a ti a.

Isu’n a kawm u ah, “Kaisar thil haw chuh Kaisar kawmah pieu inla, Pathien thil haw chuh Pathien kawmah pie tau u” ti’n a dâwng a. Tichun, mak a sa ten u a.