Popular Bible Verses from MATHI 7

Share

“Meshiang, aser aji nenok nem agütsütsü, bushiang, aser nenoki angutsü, akoshiang, aser aji nenok nem lapoktsütsü.

Kechiaser temeshir shiai angur aser shibai bushir pai angur, aser shibai akoshir pa nem aji lapoktsütsü.

“Anungji shibaisa kü o itemi angashir, aser inyaker pa lungma nung ki asüba shisa taka nisung ka mesüka lir.

Anungji nisungtemi nenok nem kechisa inyakdaktsünür, yamaji nenokia parnok dang inyakang; kechiaser ozüng aser ainkar o ibai lir.

Saka taküm leni aniba süngkhümbongji temesü aser lenmangji tasak aser aji agi iteter ishika dang.

“Süngkhümbong temesüba jagi iang, kechiaser tesamadaki aniba süngkhümbongji sademsademer aser lenmangji temela aser iba lenmang jagi air aika dang.

Ajangla nenok mejungia nenok chir nem sempet tajung agütsütsü nenoki metetra, kotak nung aliba nenok Tebui pa dang meimertem nem oset tajung koda tali magütsütsü?

“Nenok anema o mebendangtsüsa nenoki o tebendang. Kechiaser kechi obendangba agi nenoki o bendangdir nenoka yamaji o bendangtsü, aser kechi touzükba agi nenoki ozüktsüdir iba kasa nenok nema ozüktsütsü.

Shibaisa kü o itemi angashir aser meinyaker pa lisem ma nung ki asüba tamashi nisung ka mesüka alitsü.

Kechiba nai pei tenük nung aliba anak tuluji mungui yur ne adianu tenük nung aliba anak tilaji ajir? Mesüra ne tenük nung anak yur, ‘ni ne tenük nungi anak endoktsüdi’ ta nai ne adianu dang koda ashitsü?

“Tiyazü ainkartem, shiri nenok dangi san sobutsü sobur arur, saka telunglen tesashi tsünü lir, parnok asoshi kümdangang, Parnok süngjangtem agi nenoki parnok metettsü. Nisungi ayidong nungi tsükmenatzü süshia, küyilakso nungi munguzünu süshia aonger ama?

Anungji süngdong, tajung shia nung süngjang tajung atanger; saka süngdong tamajung nung süngjang tamajung atanger.

Süngdong tajung nung süngjang tamajung atangtsü makok. Mesüra süngdong tamajung nung süngjang tajung atangtsü makok.

Koba süngdong nungsa süngjang tajung metanglir aji lepzüker aser mi nung enoker.