Popular Bible Verses from MATHI 10

Share

“Ajiang, tsünütem rongnung santem ama ni nenok yokdagi. Anungji nenok per ama shisa ka-a liang, aser posü ama ajemalu sang.

Shibai pei taküm angur aji samatsü, saka shibai ni asoshi pei taküm samadir aji pai angutsü.

Shiri temang tepseter saka tanela takümbo tepsettsü makok parnok tetsübu; saka shibai tanela aser temang anaprongla molumi nung samatsütsü akok, pa ang tsübuang.

Shibai pei kangki mapui kü sülen anitaker pa ni atema tetemsü masü.

“Anungji shibaisa nisungtem madang ni nangzükdir, kotak nung aliba kü Bu madang nia pa nangzüktsü. Saka shibaisa nisungtem madang ni menangzüklir, kotak nung aliba kü Bu madang nia pa menangzüktsü.

Shirangertem anebjang, tasürtem shia arudakjang, zütsüra aketertem meshitetjang, aser temenen tanelatem aridokang. Nenoki angati angu, angati agüjang.

Anungji tetsübu, alushijak aika dang nungi nenok taoba.

“Alima nung yimjung adokdaktsütsü ni aru ta tebilem; yimjung masü saka nok adokdatsütsü ni aru.