Popular Bible Verses from TENYARTEM MAPA 2

Share

Peteri parnok dang ashi, “Temulung meyipang, aser nenok nisung shia pei temenen atoktsü asoshi Yisu Khrista tenüng nung baptiang; aser nenoki Tanela Temeshi sempetji agizüktsü.

Aser tenyartem tesayuba, telungjem, amtsük sangsaba aser sarasademba nung parnoki akang akanga ali.

Parnok ajak Tanela Temeshi agi asüng, aser Tanelai parnok nem jembitsü tashi agüja bendanger oshitem nung parnoki jembimeso.

aser aoksa dang kotak nungi mopung tesashi aonba ama ola aru, aser iba jagi parnok mena alidak ki ajak asüng. Mi jangruba temeli ama parnok dangi adok aser aji lemsar parnok shia dak amenlok. Parnok ajak Tanela Temeshi agi asüng, aser Tanelai parnok nem jembitsü tashi agüja bendanger oshitem nung parnoki jembimeso.

Aser kenüamati temulung ka sür parnoki tenla kidang sentep. Kodang kidang amtsük sangsa, tepela aser tagütsünü mulungsentsü agi parnoki chiyungtsü chiyung; aser Tsüngrem tenüng sanga nisung ajaki parnok dang junga bilem. Aser kenüamati kümzükba purtemji Kibubai parnok telok rongnung züngsemdaktsü.

‘Tsüngremi ashi, tatem anogo nung meimchir ajak nem ni kü nela meküploktsütsü. Aser ner jabaso aser jalatemi shintsü; aser ner asangurtemi mangdang angutsü ner tamburtemi pungmang pungmangtsü.

Tamanger ajak külemi ali, aser oset ajak arok meyong aküm. Parnoki parnok akaba osettem ayok aser nisung shia nüngdak yari parnoki ajak nem lemsa-a agütsü.

Aser idangji shirisa Kibuba tenüng nung jadir kümzüktsü.’

Iba tulu aser sentsüwangshi Kibubar anogoji arudang, anüji tammang kümdaktsütsü aser itaji azü ama merema kümdaktsütsü.