San Mateo 17
17
Or ngubixlo Jesús
(Mr. 9:2-13; Lc. 9:28-36)
1Unded xo'p ngubizh, ngwanu Jesús Per, no Jakob, mbaino Juan wech Jakob, yek tu yi' ro. 2Ze', ngubixlo Jesús dilant lo bixa': milu' lo Me nela biani che'n ngubizh ga', no xab Me bëo laka no ñaz bële. 3Lë'chi ¡di!, nguro'xo'b Li, rop xa' kun Muisés, kidi'zh bixa' kun Jesús. 4Orze' nzhab Per:
―¡Lë' go, wen dox nzo be re'! Chi nzhakla go, cha̱u̱ chon rranch re'; tube par go, xtube par Muisés, no xtube par Li.
5Dub kidi'zh Per kure', lë'chi ¡di!, maska ña'zbël tu xkao ngula yek bixa', ngwani dub plo nzhin bixa'; le'n xkao ze' mien tu widi'zh kwa'n nzhab se':
―¡Xa' re' Xga'na, Xa' nazhi' da!, dox nizak laxto'n por lë' Xa'; ¡bin go ro' Xa'!
6Or mbin yon men che'n Jesús widi'zh re', tuli ngo't kuslo bixa' lo yuo, dox mizheb bixa', 7orze' nguzubi Jesús lo bixa', migal Me bixa', no nzhab Me:
―Waxche go, nanzhebt go.
8Or ngulits bixa' lo bixa', yentra' cho nak, nab tsa Jesús nzo ze'. 9No dub ñadla bixa' yek yi' ze', nzhab Me lo yon xa' re':
―Yent cho lo di'zh go kwa'n une go re', haxta or ruban Xga'n Dios, Me nu nak tu men yizhyuo.
10Orze' minabdi'zh bixa' kure' lo Me:
―¿Chon nidi'zh rë xa' nilu' ley che'n Muisés, galo laka Li yi'd?
11Orze' nzhab Jesús:
―Walika, galo Li yi'd, par le' xa' yëk rë men lo Dios, 12per na ni lo go, lë' Li mbi'd la, no maska bixa' ngon ro' Li, lë'la mili'nu bixa' Li kwa'n nzhakla bixa'. Se'ska le' men kun Xga'n Dios, Me nu nak tu men yizhyuo.
13Orze' mizobyek yon men che'n Me, ka Juan xa' mililëi' men le'n nits, mize't Me.
Miliyak Jesús tu miyi' nzen tu mbi mal
(Mr. 9:14-29; Lc. 9:37-43)
14Or mizhin Jesús plo nzhin nayax men, nguzubi tu miyi' plo nzo Jesús, no nguzuxib xa' lo Me, nzhab xa':
15―Lë' go, bilats laxto'u xga'na, dox nalats kwa'n nizak xa', tutsa or nikao xa' maska ñëk xa'; nayax wëlt ñachin xa' plo nzhab xa' le'n bël o le'n nits. 16Na mbi'dnu la xa' lo rë men che'n go, per nangale't bixa' gan, nganiwen xga'na.
17Orze' nzhab Jesús:
―¡Taxa nagat yila go rë kwa'n nin lo go! ¡Tatu nad go par yila go rë kwa'n nazhon che'n Dios! ¡Dox kixek da lo go, nagat zobyek go rë kwa'n nin lo go!
Orze' nzhab Jesús:
―¡Dinu xmë'dal re'!
18Orze' mile' Jesús mandad, ro' mbi mal ze' laxto' miyi' ze'; no tuli miak miyi' dizde zhë ze'. 19Or nzo Me tu lad, nguzubi rë men che'n Me lo Me par nzhab bixa':
―¿Chon nangakt ngago' no mbi mal laxto' miyi' ze'?
20Orze' nzhab Jesús:
―Por ña-ñë'd xigab che'n go kun Diose. Walika kwa'n nin lo go, chi kwa'n ñila go Dios ngak nela tu lazh mostas ga', or gab go lo yi' ba': “Yubchi, bizë xtu plo”, no lë'i yubchi, no yent cho tu kwa'n nagak le' go. 21Lë' mbi mal kwa'n ngulon laxto' miyi' ze', nayot ro'i chi nana'b men lo Dios xche, no xlats men.
Jesús midi'zh xtu wëlt xmod gat Me
(Mr. 9:30-32; Lc. 9:43-45)
22Dub nzho Jesús lazh men Galilea kun rë men che'n Me, nzhab Me lo bixa':
―Na, Xga'n Dios, nu nak Da tu men yizhyuo, lë' rë men zen da no wei' bixa' da lo rë xa' nile' mandad. 23Lë' bixa' gut da, per ngubizh yon, lë'da ruban.
Orze' dox miwin laxto' rë men che'n Me por kure'.
Dimi kwa'n nigan par yado'
24Or mizhin Jesús kun rë men che'n Me yezh Capernaúm, ze' nguzubi pla miyi' lo Per, rë xa' nikan dimi par yado', nzhab bixa':
―¿Taxa chi gat niza't Maestr che'nal dimi par yado'?
25Nkab Per:
―Lë'i niza' ka Xa'.
Or nguio Per le'n yo', tuli ka nzhab Jesús:
―Di xigab che'nal Simón, ¿xmod nile' rë rey yizhyuo re'? ¿Cho lo nikan bixa' dimi? ¿Chi mis lo rë xin xa'i, o lo xa' rë mene?
26Orze' nzhab Per:
―Lo xa' rë mene.
Orze' nzhab Me:
―Kuze' nal, rë xin rey, gat naki'nt za' bixa' dimi ba', 27per par naki'xian be rë men ba', wa ro' nits, bi'y kwa'n nizenal mbël; no mbël galo laka zenal, xa'lal ro' ma, ze' nzho tu pes, guzene par wati'x cheda mbaino che'nal.
Избрани в момента:
San Mateo 17: zca
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2013, Wycliffe Bible Translators, Inc. All rights reserved.