लूका 16
16
चालाँक भन्डारी की कथा
1फिर ईसु नै अपने चेलौ सै कैई, “किसी साहूकार को एक भन्डारी हो, और उस भन्डारी के ऊपर लोगौं नै इलजाम लगाओ कै बौ तेरी सैरी जायदात उड़ाए देरओ है। 2साहूकार नै बौ बुलाओ और उस्सै कैई, ‘तेरे बारे मै, मैं लोगौं सै का सुन रओ हौं? अपने काम को हिसाब किताब दे, कैसेकै अब अग्गे कै तू भन्डारी ना रैह सकैगो।’ 3तब भन्डारी सोचल लगो कै, ‘अब मैं का करौं? कैसेकै मेरो मालिक अब भन्डारी को काम मुस्सै छीन रओ है; मैं मै अब इत्ती तागत बी ना रैहई कै मैं खेतौ मै खुदाई, गुड़ाई को काम तक कर सकौं और भीक माँगनै मै मैंकै सरम आवै है।’ 4पर अब मेरी समज मै आ गओ कै मैंकै का कन्नो चँईऐ, जिस्सै कै जब मैं भन्डारी के पद सै हटा दओ जाऔ तौ लोग अपने घरौं मै मेरी इज्जत करैं। 5और बानै अपने मालिक के देनदारौं मैसै एक-एक कै बुलाकै पैले आदमी सै पूँछी, ‘तेकै मेरे मालिक को कितनो देनो है?’ 6बानै कैई, सौ मन जैतून को तेल;#16:6 सौ मन, एक मन अंदाज मै 40 लीटर तेल होवै हो। तब भन्डारी नै उस्सै कैई, अपनो बही-खातो ले और बैठकै जल्दी सै इसकै पचास लिख दे। 7फिर उसनै दूसरे सै कैई, ‘और तेरे ऊपर कितनी देनदारी है?’ सौ मन गैहूं, बौ उस्सै बोलो, ‘अपनो बही-खातो लेकै अस्सी लिख दे।’ 8इस बात मै उसके मालिक नै उस बेईमान भन्डारी की तारीफ करी, कैसेकै उसनै बड़ी अकल सै काम लओ हो। सच बात जौ है कै, इस दुनिया के बुरे लोग अपने जैसे लोगौं के संग काम कन्नै मै परमेसर के लोगौं सै भौत चालाँक रैहबैं हैं। 9और मैं तुमसै कैरओ हौं, इस बुरी दुनिया के धन-दौलत सै अपने ताँई दूसरौं कै दोस्त बनाऔ, ताकि जब तुमरी धन-दौलत किसी काम की ना रैहगी तब तुमरो सुआगत सुरग मै होगो। 10और जो कोई थोड़े से थोड़े मै ईमानदार है बौ भौत मै बी ईमानदार रैहगो, और जो थोड़ेई मै बेईमान है, बौ जादा के ताँई बी बेईमान होगो। 11अगर तुम दुनियादारी की धन-दौलत समारने मै ईमानदार ना रैहए तौ परमेसर तुमकै उस सच्चे धन कै कैसे सौंपैगो? 12और अगर तुम पराए धन मै ईमानदार ना भए, तौ तुमरे ताँई रक्खो भओ धन तुमकै कौन देगो?
13 #
मत्ती 6:24
“कोई नौकर दो मालिकौं की सेवा ना कर सकै है; कैसेकै बौ तौ एक सै बैर और दूसरे सै पियार रखैगो; या एक सै मिलो रैहगो और दूसरे की बेजती करैगो; बैसेई तुम परमेसर और धन दौनौ की सेवा एक संग ना कर सकौ हौ।”
ईसु के कुछ और उपदेस
(मत्ती 11:12,13; 5:31,32; मरकुस 10:11,12)
14बहाँ कुछ फरीसी हे जो पैसा के लालची हे, ईसु की जे बात सुनकै बे उसकी मजाक उड़ाल लगे। 15इस बात मै बानै उनसै कैई, “तुम तौ बौ हौ जो लोगौं कै जौ जतानो चाँहौ हौ कै तुम भौत सच्चे हौ पर परमेसर तुमरे मनौ कै जानै है। कैसेकै जो चीज आदमिऔ की नजरौ मै महान है, बौ परमेसर की नजरौ मै तुच्छ है।
16 #
मत्ती 11:12,13 “नियम और नबिऔ की भबिसबानी तौ यहून्ना जल संस्कार दैनै बारे के टैम तक रैहईं। और उस टैम के बाद सै परमेसर लोगौं के जिन्दगी मै किस रीती सै राज करैगो, उसके बारे मै सिकातो आओ, और भौत लोग जे बात मानकै परमेसर के राज मै घुसनै के ताँई कोसिस कर रए हैं। 17#मत्ती 5:18फिर बी आसमान और धरती डिग सकैं हैं तौबी परमेसर के नियम मै सै छोटे सै छोटी बिन्दी बी ना मिटैगी।#16:17 इसको मतलब परमेसर के नियम या बात सुरग और धरती सै बी हमेसा के ताँई है।
18 #
मत्ती 5:32; 1 कुर 7:10,11 “जो कोई अपनी बईयर कै छोड़कै दूसरी सै बिहा करै है, तौ बौ उसके संग गलत काम करै है और जो कोई ऐंसी छोड़ी भई बईयर सै बिहा करै है, तौ बौ बी गलत काम करै है।
सेट आदमी और गरीब लाजर
19 “देखौ, एक सेट आदमी हो बौ भौत मैहंगे बैंगनी रंग के चिकने मखमल के लत्ता पैहरै हो, और हर दिन मौज-मस्ती सै खातो पीतो रैहबै हो। 20और बहीं लाजर नाम को एक गरीब भिकारी हो, जो फोड़ौ सै भरो पड़ो हो, और बाकै सेट के घर के फाटक के धौंरे बैठा जावै हे। 21और बौ चाँहै हो, कै सेट की मेज सै जो रोटी की जुठन जाठन गिरै ही उस्सैई बौ अपनो पेट भरै और हिंया तक की कुत्ता बी आकै उसके फोड़ौ कै चाटे करै हे। 22फिर ऐंसो भओ कै बौ गरीब मर गओ, और सुरगदूतौं नै ले जाकै बौ इब्राहिम की गोदी मै पौंचा दओ फिर बौ सेट आदमी बी मर गओ और बौ दफना दओ गओ। 23और नरक मै तड़पते भए, अपनी आँख उठाकै देखो तौ, लाजर इब्राहिम की गोदी मै बैठो पड़ो है। 24और बौ चिल्लाकै बोलो, हे अब्बा इब्राहिम, मेरे ऊपर दया कर और लाजर कै भेज दे, कै बौ अपनी उँगरिया पानी मै भिजैकै लाऐ और मेरी जीब कै ठंडी करै, कैसेकै मैं इस आग मै तड़प रओ हौं।
25 “पर इब्राहिम नै कैई, ‘हे मेरे लौंड़ा, तू अपनी जिन्दगी मै अच्छी-अच्छी चीज ले चुको है, जबकि लाजर कै बुरी चीजई मिली हैं, पर अब हिंया बाकै सान्ति मिल रई है, और तू तड़प रओ है। 26इसके अलाबा हमरे और तेरे बीच एक भौत बड़ी खाई बनाई गई है, कै अगर हिंया सै कोई उस पार जानो बी चाँहै तौ, ना जा सकै और ना कोई बहाँ सै इस पार हमरे धौंरे आ सकै।’ 27उस सेट नै कैई, ‘तौ फिर हे अब्बा, मैं तेसै बिनती कर रओ हौं कै तू लाजर कै मेरे अब्बा के घर भेज दे। 28कैसेकै मेरे पाँच भईया और हैं, बौ उनके सामने इन बातौं की गभाई दे, कहीं ऐंसो ना हो कै बे बी इस तड़पनै बारी जघै मै आ जांऐ। 29इब्राहिम नै उस्सै कैई, उनके धौंरे तौ मूसा और परमेसर के नबिऔ की किताब हैं, बे उनकी सुनै। 30सेट नै कैई; ना, हे अब्बा इब्राहिम; पर अगर कोई मरे भएऔं मै सै उनके धौंरे जाय, तौ बे अपने पापौं सै मन फिरांगे।’ 31इब्राहिम नै उस्सै कैई, अगर बे मूसा और परमेसर के नबिऔ की ना सुनै हैं, तौ फिर कोई मरे भएऔं मै सै बी जी उठै तौबी बे उसकी ना मानंगे।”
Избрани в момента:
लूका 16: TKB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
New Life Compute Institute [NLCI] - CC BY-NC-ND 4.0