UBWANDILO 50
50
Ukusyiligwa kwa Yakobu
1Popapo Yosefu alinkwitaga mu mbili mwa gwise, alinkundilila nukumfipa. 2Alinkubabula abaganga aba bali pa mbombo yake ukuti bagupake umbili gwa gwise nimikota igi gikukanisya ukubola. Bunobuno abaganga bala balinkugupaka umfimba gwa Israeli nimikota. 3Balinkubomba imbombo iyi amasiku amalongo mana (40); namanga go masiku aga abandu begaga bwila ukugipaka imifimba gyabo ni mikota. Aba Egiputi balinkundilila Yakobu amasiku amalongo mahano na mabili (70).
4Bo gamalike amasiku gakulilila ifwa, Yosefu alinkuyoba ku bannyumba ya Farao alinkuti, “Linga ndyagile ilipyana nkyeni mmyinu, nikubasuma ukuti mukanjobeleko kwa Farao amasyu aga: 5#Bwa 47.29-31‘Ukuti bo utata alipipi nukufwa alindalwisye une ukuti mfinge ulufingo nkyeni mmyake ulwakuti, nisakwakunsyila mwipumba ili alitendekekisye mwene nkisu kya Kanani. Bunobuno ngusuma ukuti mbuke ngasyile tata po lelo ngisege kangi.’ ” 6Popapo Farao alinkwamula alinkuti, “Bukaga ukansyile uguso bo mumo akulagilile.” 7Yosefu alinkusumuka alinkufyuka ukwakunsyila ugwise, alinkulongosania na babombi bosa ba Farao, kangi na bannyumba ya Farao palikimo na bakulumba bosa aba nkisu kya Egiputi, 8kangi na bannyumba ya Yosefu, na bamyabo, kangi na bannyumba ya gwise. Bene ba banabo bo balinkusyala nkiyabo kya Gosheni palikimo nimitimo gyabo igya ng'osi nigya ng'ombe. 9Amageleti na bandu aba balitogile pa falasi balinkufyuka palikimo nabo, kilinkuya kilundilo ikikulumba fiyo.
10Bo bafikile pa kipalo iki kyali pa buyo bwa Atadi kubusokelo ilisuba kwa Lusoko lwa Yordani, balinkukuta inguto ingulumba fiyo iya kitima. Yosefu alinkundilila ugwise amasiku mahano na mabili. 11Abandu ba nkisu kila kya Kanani, bo bapilike inguto pa kipalo kya Atadi balinkuti, “Iyi yo fwa ingulumba fiyo mbaEgiputi.” Bunobuno ubuyo bula balinkubupa ingamu ya Abeli-mizraimu;#50.11 Abeli-mizraimu: ko kuti inguto ya baEgiputi. buli tubusokelo ilisuba kwa lusoko lwa Yordani. 12Bunobuno abana ba Yakobu balinkumbombela ugwisabo bo mumo abalagilile; 13#Imbo 7.16balinkwankugupimba umfimba gwake ukubuka nago ku kisu kya Kanani, nukwakunsyila mu mbako iyi yali mu ngunda pa Makipela, iyi Abrahamu alyulile kwa Efroni ugwa kikolo kya baHiti, kubusokelo ilisuba kwa buyo bwa Mamure, ukuti buyege buyo bwabo bwakusiligwapo. 14Lelo bo Yosefu ansyilile ugwise, alinkugomokela ku kisu kya Egiputi pamopene na bamyabo, na bandu bosa aba abukile nabo pakwakunsyila ugwise.
Yosefu ikwepusyamo uboga mbamyabo
15Bo ugwisabo afwile, abamyabo ba Yosefu balinkuya numpasyo, balinkwinogona ukuti pamo Yosefu ikuya pakubabenga, nukubabukisya imbibi isi balimbombile. 16Bunobuno balinkutuma amasyu kwa Yosefu balinkuti, “Uguso bo akali ukufwa alagile ukuti, ‘Mukambule Yosefu mukati, 17Nikukusuma ukuti ubahobokele abamyinu ku mbibi syabo isi bakubombile.’ Lilino tukukusuma ukuti utuhobokele imbibi syitu twe babombi ba Kyala gwa ba guso.” Popapo Yosefu alinkwenda nukulila amasosi bo bayobile sisisi. 18Bunobuno abamyabo balinkwisa nkyeni mmyake balinkufugama pasi nukundambila Yosefu, balinkuti, “Keta, uswe tuli babombi bako.” 19Umwene Yosefu alinkubabula alinkuti, 20“Mungapasyaga, ngimba ne Kyala une? Umwe mwalinogwine ukumbombela imbibi; loli Kyala alinkusyandula ukuya bununu, ko kuti abupoke ubumi bwa bandu abingi, bo mumo mukusiketela umusyugu. 21Bunobuno lelo mungatilaga; une nikuya pakubapa ifyakulya pamopene na bannyumba syinu.” Popapo alinkubasangalusya nukusitengania indumbula syabo.
Ukufwa kwa Yosefu
22Bunobuno Yosefu alinkwitugala nkisu kya Egiputi palikimo na bannyumba ya gwise; alinkugona ifyinja mia yumo nifyinja kalongo (110). 23Yosefu alinkubabona na ba bana ba Efraimu ukwakufika mu ngulilo ya butatu. Abana ba Makiri, umwana gwa Manasi bope Yosefu alinkubapagata. 24Yosefu alinkubabula abamyabo alinkuti, “Une ndipipi ukufwa; loli Kyala yo isakubasangalusya umwe, kangi isakubasosya umwe nkisu iki nukubatwala ku kisu iki afingile kwa Abrahamu, kwa Isaka na kwa Yakobu.” 25#Kuso 13.19; Yos 24.32; Hib 11.22Popapo Yosefu alinkubalalusya abamyabo ukuti bafinge ulufingo, alinkuti, “Linga Kyala abapakisye, mukafyukege nififupa fyangu bo mukusoka nkisu iki.” 26Popapo Yosefu alinkufwa bo ali nifyinja mia yumo nifyinja kalongo (110). Balinkumpaka ni mikota gyakukanisya ukubola, balinkugubika umfimba mwibokosi mulamula nkisu kya Egiputi.
Избрани в момента:
UBWANDILO 50: NNBII
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
BAIBULO INONGWA INUNU © Bible Society of Malawi, 2017.