Marko 3
3
Atulo ol Oye Hani
Mt 12:9-14; Lk 6:6-11
1Ette Yesu inyyak leten litwa haji imojit. Owon dia obo atulo ol oye hani honyi. 2Ette isi kikorihina jyo Yesu imijaniere kuyya itaŋida inyi atulo alya to noloŋ sabato nyo awahi isi rasana Yesu. 3Ojo Yesu jyo atulo ol oye hani, Waŋ dini. 4Attati inyi ifiyo isi, ?Oyyu ehanio jyo aati on oyyu to oloŋ sabato, kuyya ehanio jihosi on orroho? ?Anani on oyyu’to etahoruna atulo kuyya attohoro? Ati odwahinie isi. 5Omijo Yesu jihosi te eloŋojita bwo ijiriŋa inyi ta nabyaŋan tajya wati hulya mehino. Ette inyi jaran jyo atulo alya, Onitok aani hoi. Ette inyi nitonia ette aani honyi ŋidari kwak. 6Teyya ofwoi Farisei alet ette isi ’tubana ahwattek hosi iko Erodiahyen ette itteryo iwwaha ojori, Efwo ’tohoro Yesu.
Eluluŋ Wati Iger Hari
7Tania ette Yesu iko leyiyanak honyi fwatan ihari eneittok, bwo eluluŋ wati arryai hutto Galilea ijifarai inyi. Ofwonni aati to fau Yudea, 8to miji Yerusalem, to fau Idumea, iko to ŋati hari tolya ono Yordano, bwo fe ofwonni laati huttotwa misihi Turo iko Sidon. Ofwonni jihonyi laati hul olwaji arryai nyo itayiruni isi anyo ihanio inyi. 9Tania ette inyi iramana leyiyanak honyi iyaunie obo atogol tenyi nyo ŋadi eluluŋ wati osulari inyi. 10Nyo itaŋida inyi laati arryai, attati laati hul owoni iko eŋwati ifufudaro ittiryere inyi. 11Al igonyuni ajohin hun orrohoji’to inyi ette isi kwahatyo lifau liger hejek Yesu. Ilulwoi isi ette jaran, Iye Lonyi Hollum. 12Ati isiŋyo Yesu isi ojo, Heramana jo ani ŋai.
Anyimuna Yesu Aati ’Tomon Harrihai
Mt 10:1-4; Lk 6:12-16
13Ette Yesu leten idoŋe iloŋuniere hul onyimu inyi ette hulya fwanna jihonyi. 14Onyimu inyi ’tomon harrihai jo oŋida isi itoŋoi ikonyi bwo fe inyi ifahita isi ittiyeniere. 15Owoni isi bwo fe iko nadwaran ifuhari ajohin hun orrohoji’to. 16Leyiyanak hul onyimu inyi isi; Simone al ifurak inyi Petro, 17Yakobo lonyi Sebedeyo, Yoane illa Yakobo, ifurak inyi isi Boanerge on ojo lonyirok hul arai’to ihwa ahilai, 18iko Andrea, Filipo, Bartolomeo, Matteyo, Tomaso, Yakobo lonyi Alufayo, Tadeyo, Simone Selot,#3:18 SelotArai isi laati hul igyamai bebe ihohiniere afau hosi jyo laati Roma. 19iko Yuda Iskariote letinyyaŋani Yesu.
Yesu iko Belsebuli
Mt 12:22-32; Lk 11:14-23; 12:10
Ette Yesu leten miji. 20Ette eluluŋ wati arryai ’tubanio dia tania obeŋi Yesu iko leyiyanak honyi oremehini ŋiyo. 21Al itayiruni illarak honyi eram ania ette isi fwanna inyyahuniere inyi nyo ikyanatye laati jo isita inyi. 22Bwo legyorok hunya ofwonni to Yerusalem ikyanatye jo owon inyi iko Belsebuli#3:22 BelsebuliAfure obo ono Sitan. bwo fe ifuha inyi ajohin addi ta afure hobu olo ajohin. 23Ette inyi iloŋuna laati jihonyi ette itteryo ikyana jihosi ta arryamara on ojo, ?Aŋai oremik Sitan fuhara ahwan honyi? 24Al orryomonie laati hutto lobye ta ahwattek hosi obeŋ adi nolobye ania itoŋo. 25Al aŋalafai aati hutta haŋ ta ahwattek hosi obeŋi adi isi itoŋoi arabotye. 26Al ihiharak Sitan adwaran honyi obeŋ adi inyi itoŋo. Otuhuno adi inyi. 27Ahode obeŋ obo oremik jiŋana ihaji lottir liyari asaŋ honyi hobeŋ inyi ifitak olottir alya ahosyere bwo ihalu otuhoro adi inyi erre ta haji honyi.
28Eramak ni itai ahode jo ohohinie adi eyyata wati daŋ bwo fe nemoriti daŋ hun omoryerek isi Hollum. 29Ati jyo alya ol omoryo’to Oloyiri ol Olibo obeŋ adi Hollum omehino jihonyi, ati odulo eyyau ania jihonyi tulaŋ. 30Ikyana Yesu ihwania nyo arasai laati ikyana jo, Owon inyi iko ajok on orroho’to.
Illarak Yesu iko Honyonyi
Mt 12:46-50; Lk 8:19-21
31Attati illarak Yesu iko honyonyi fwanna ette wotya ilet ette ifahina lefahata heteloŋo inyi. 32Teyya itoŋoi eluluŋ wati ikonyi ette isi iramana inyi, Imijye, honyohoi iko illarak hoi owotyai ilet. Awahi isi mijo iye. 33Itarraŋ Yesu jihosi, ?Ŋai iyaŋ iko illarak hoŋ? 34Ette inyi mijo jyo aati hul itoŋoi’to ikonyi ette jaran, Heyaŋ huna iko illarak hoŋ. 35Hul ihanie’to awahan ono Hollum arai hya illarak hoŋ iko haniarak hoŋ ojo iyaŋ.
Избрани в момента:
Marko 3: LOT1969
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
This text was originally published by the British and Foreign Bible Society in 1969.