Zaburi Sya Daud 7
7
Domine, Deus meus.
1Bambo Mlungu wangu, kwako nikimbalila:
Uniyokole pa woha wakunikisa, unifuule.
2Asikachula umi wangu ngati lihimba:
Kukachulana, ni pa waka wakukengelela.
3Bambo Mlungu wangu, ngati nikite iki:
Ngati kiyile kya kubimbitala mmawoko gangu.
4Ngati nikankitile uyu wakuhigana na nenga kiwifu:
Ena, ninkengalile yula ayile wa mitumba wangu waka.
5Wakuwipila waka aulonde umi wangu, wakaupatile:
Ena, aliwatile kulama kwangu pasi, akatulise kukwisika kwangu pa lufumbi.
6Yima, Bambo, pa kudada kwako, witutause pa kulutila kwa wa mitumba wangu:
Ukawuke kuniyimulila; utawike kya kulamula.
7Ni pa chengo kya mihuku ikusyungutile:
Na panani pawe ukakilaukile munani.
8Bambo ajowa mihalo ya misafi:
Unipaule, Bambo, kwa ndingo wa kukita malinga, ni wakumalakisa kwangu kula kuyile pa nenga.
9Fiwifu fya wawifu fimalike, koma uwawikile ngani wakukita malinga:
Pakukita Mlungu wakukita malinga agesela mioyo ni filagilo.
10Kikopa kyangu kiyile pa Mlungu:
Wakuwayokola awa wakugoloka mumioyo.
11Mlungu wakulamula malinga:
Ena, Mlungu wakuwina mwoyo ligono liyii lyoha.
12Mundu wona akana kukilauka, yaagunole upanga wake:
Alingite‐nganila upindi wake, na aguwikile‐ngani.
13Na kwa yombe awikingani fwakukoma nafyo:
Akiteye mahonga gake kuya mahonga ga mwoto.
14Lola, ihengesahengesa ni fyawaka:
Wayii nu luleme lwa matata, wahogola waka.
15Wagugima ukweme, wagufukula:
Na wagwa muliwumba lila walikite.
16Matata gake lya gannkilaukile mumutu:
Ni figuugu fyake yafiselele pa lulondandosi lwake.
17Yaninnsenguse Bambo umu akitila malinga:
Na yaniliyimbile lihina lya Bambo wa panani pene zabur.
Избрани в момента:
Zaburi Sya Daud 7: MGSPSA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
First published in 1913, by the Universities' Mission to Central Africa Mission Press