Zaburi Sya Daud 21
21
Domine, in virtute tua.
1Bambo, Mutwa yahekelele pa mbatu syako:
Na pa uyokosi wako, chakaka, yahine.
2Wampile fya ku gana fya mwoyo wake:
Nu wannotite lepe fya kuluwa fya milomo yake.
3Ndawa unjangalila ni fihomo fya unofu:
Uwika pa mutu wake kikupiko kya gold yakuwalalika.
4Fyakulama aluwaga kwako, na umpela yombe:
Kutalusa magono kitamile mumu pela.
5Kukulungu kukwisika kwake pa uyokosi wako:
Mbili na mapambiko unndekelela.
6Ndawa umbikila fya kihomo kitamile mumupela:
Umbatuse nu kuhekelela kwa kyene kyako.
7Ndawa mutwa kihuwalalile pa Bambo:
Na pa ulongo wa uyu wa panani pene nukatalusika lepa.
8Kiwoko kyako yakiwonangane na woha wakuwipila wako:
Kiwoko kyako kya ndilo yakiwakolele wala wakudada na wenga.
9Yauwawike ngati litende lya mwoto pa lukumbi lwa kyene kyako:
Bambo yawayambanise pa kuwina mwoyo kwake nu mwoto yaguwalye.
10Fipambiko fyawe yaufitagise kuhuma pa ndima:
Ni mbeyu yawe kuhuma pa wana wa Adam.
11Ndawa watambasula fiwifu kukukanila:
Wafiluka fya kuchenjela, fila nakufihotola.
12Ndawa yauwalasise nngongo pela:
Pa lukoto lwako yauwikile ngani kufitumalila fyene fyawe.
13Winyanyamule, Bambo, pa mbafu syako:
Wiwi yatiyimbe na yatikite Zabur kwa kigosi kyako.
Избрани в момента:
Zaburi Sya Daud 21: MGSPSA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
First published in 1913, by the Universities' Mission to Central Africa Mission Press