Лого на YouVersion
Иконка за търсене

मत्ती परचा

परचा
मत्ती कर जसना संदेस नबा नियम कर चारठे किताब मसे अक्ठी हबै, जउन यीसु मसीह कर जीवन कर वरनन करथै। उन मसे हर संदेस कहे जथै, जेखर मतलब हबै “संदेस” ऊ यीसु कर मिरतू कर बाद मत्ती, मरकुस, लूका अउ यूहन्ना दवारा लिखे गय रथै, मत्ती कर जसना संदेस कब लिखे गय रथै, एही सटीक तारिख दिमाक बालेन कर नेहको पता हबै, पय हइ मसीह कर जनम के करीबन 60 साल बाद कर टेम रथै।
एखर सिबाय कछो लिखे गय रथै, हइ पता नेहको हबै, पय कइ मनसे अंदाजन लगाथै कि हइ फिलिस्तीन हे अउ सायद यरुसलेम सहर हे लिखे गय रथै। लिखे बाले मत्ती हबै जउन यीसु दवारा अपन चेला बनै कर निता कहै लग पहिलेन अक्ठी जिघा करे बाले रथै। ओही लेवी कर नाम लग जाने जथै, मत्ती बाराठे चेला मसे अक्ठी रथै। अउ ऊ यहूदी पढै के निता लिखे रथै, इके पुरान नियम कर पवितर किताब 60 लग जादा संदरभन के दवारा स्पस्ट रूप लग देखे जाय सकथै। ऊ हइ दिखामै चाहथै कि यीसु मसीहा रथै, भगवान कर चुने हर मुकतिदाता, जेखर बारे आगुन लग गुठे गय रथै। मत्ती भगवान कर राज कर बारे हे बोहत कुछ लिखिस।
यहूदियन कर बिस्वास रथै, कि मसीहा अक्ठी राजनीतिक राज कर राजा बनही। मत्ती भगवान कर आतमिक राज कर वरनन करके ऊ बिस्वास कर चेतन्त देय के निता बोहत सचेत गुठेथै। मत्ती कर जसना संदेस पुरान नियम सगलू संदर्भो के कारन नबा नियम कर सुरू करै के निता अक्ठी निक्खा किताब हबै। हइ दुइ बसीहत नाम जोडथै, दिमाक बालेन के इहो सलाह दय हबै कि मत्ती मूसा कर किताबन के रूप नकल करै के कोसिस करत होही, जउन पुरान नियम कर पहली पांच किताब हबै। डोंगर हे यीसु कर सिक्छा 5—7 कर बरोबरी भगवान दवारा मूसा कर नियम देय लग करे जाय सकथै। बेवस्थाबिबरन 19:3—23:25
रूप रेखा
1. मत्ती हे यीसु मसीह कर जनम अउ ओखर सेबकाई कर सुरुवात के बारे हे गुठे के संदेस के सुरुवात करथै। 1—4
2. आगू मत्ती हे यीसु कर सेबकाई अउ ओखर कइ सिक्छन के वरनन करथै। 5—25
3. मत्ती आखरी के भाग हे यीसु कर मिरतू अउ फेरै लग जिन्दा ओखर सेबकाई कर ऊंचाई के बारे हे हबै। 26—28

Избрани в момента:

मत्ती परचा: NTBTP23

Маркирай стих

Споделяне

Копиране

None

Искате ли вашите акценти да бъдат запазени на всички ваши устройства? Регистрирайте се или влезте