Ruuka 23
23
Yeesu kaasitaakibhwa ku-Piraato
(Mataayo 27:1-2, 27:11-14; Maariko 15:1-5; Yowana 18:28-38)
1Mmbe, abhakuru bhayo mbayambaara bhoone kutyo, mbasira Yeesu ku-mutungi wa Ekiruumi unu ꞉aariga ˆnaatogwa Piraato.#23:1 Piraato. Piraato ꞉aariga ari mutungi wa Ekiruumi atungirega Ebhuyawudi. Piraato ꞉aariga ari na obhuturo bhwa okusoosha indamuro ya orufu. 2Mbaamba okumusitaakya, mbaaikaga ati, “Omuunu unu, kyamunyoora ˆnaayabhya ekyaro kyeswe, kwa okubha kaagaanya abhaanu ati bhasige okutobha riigooti ku-Kayijaari. Na kaaika ati omwene niwe Kiriisitu, omukama.”
3Niwe, Piraato ˆnaabhuusha Yeesu ati, “Angu, ni awe omukama wa Abhayawudi?” Yeesu woone ˆnaamusubhya ati, “Ni awe owaaika.” 4Piraato ˆnaabhwira abhashengesi abhakuru, na abhaanu bhoone kutyo bhanu ꞉bhaariga bhasangire ayo ati, “Nitakurora kikayo kyonekyone ku-muunu unu.” 5Abhaanu bhayo, mbakomeeresha mbaaika ati, “Kaasooyeresha abhaanu ˆnaabheeyigisha ameeyigisho gaaye, mu-kyaro kyone kutyo ekya Ebhuyawudi, ꞉aambiiye Gariraaya na woori ari anu.”
6Bhunu Piraato ꞉oonguuywe amangʼana gayo, ˆnaabhuusha raabhe Yeesu ni Mugariraaya. 7꞉Eejire aamenya ati Yeesu ni Munyagariraaya owa mu-bhutungi bhwa Yerode Antipa,#23:7 Yerode Antipa. Ringira riingʼana rinu mu-Mangʼana Amakomeeye. ˆnaabhabhwira bhamusire ku-Yerode kwa okubha ku-nsiku giyo, Yerode ꞉aariga ari Yerusareemu ayo.
Yeesu kaabhuusibhwa na Yerode
8Bhunu Yerode ꞉aarorere Yeesu, ˆnaajomerwa muno kwa okubha ꞉aariga oonguuywe amangʼana gaaye. Nsiku nyafu ꞉aariga eendere okumurora, kwa okubha ꞉aariga oonguuywe amangʼana gaaye, amwi na gayo ꞉eendaga okurora kutyo Yeesu kaakora ebhigwa. 9Yerode ˆnaabhuusha Yeesu amangʼana maafu. Nawe Yeesu ataamusubhiishe engʼana ryoneryone. 10Abhashengesi abhakuru na abheeyigisha bha ebhiraagiro bhya Musa, mbayambaara mbasoosha amasitaakyo geebhwe kwa managa goone kutyo.
11Yerode woone na abhasirikare bhaaye mbaamba okumujabhura, mbamusangʼaya, mbamufwafya gingibho egya ekikama. Mbamusubhya kweki ku-Piraato. 12Orusuku ruyoruyo Yerode na Piraato mbagwatana obhusaani, kwa okubha ku-bhwambiro ꞉bhaariga bhari bhasoko.
Piraato keekirisha ati Yeesu eetwe
(Mataayo 27:15-26; Maariko 15:6-15; Yowana 18:39–19:16)
13Piraato woone ˆnaakumanya amwi abhashengesi abhakuru, na abhatungi bha Abhayawudi, na abhaanu bha mu-musi, 14ˆnaabhabhwira ati, “Mwandeetera omuunu unu mwaika ati, kaayabhya abhaanu. Woori mwitegeereshe naamubhuusisha mu-meeso geemwe, nitaamunyoora na kikayo kyonekyone okuriingʼaana na amasitaakyo geemwe ku-mwene. 15Yerode woone, akyari kumurora-ko kikayo. Kyakora aamusubhya kw-iswe. Gari abhweru ati omuunu unu atakorere kyonekyone kinu kiisire ndamuro ya orufu! 16Mmbe woori, enimutarika ekibhooko era nimutaatire.” [17Mu-nsikukuru gyone kutyo egya Ipaasaka, Piraato ꞉aariga ˆneegurira omubhoywa wumwi.]
18Abhaanu bhayo mbamwayira amwi bhoone kutyo, mbaaikaga ati, “Kisoosishe-wo unu! Ukiigurire Bharabha!” 19Bharabha uyo, ꞉aariga abhoyerwe mu-jeera kwa okubha ꞉aareetere obhusoko mu-bhaanu bha mu-musi, na ꞉aariga ari mwiti.
20Mmbe Piraato ꞉aariga ˆneenda okutaatira Yeesu, ˆnaaika nabho kweki. 21Nawe, mbaamura obhuraka mbaaika ati, “Musunge ku-musarabha! Musunge ku-musarabha!”
22ˆNaabhabhwira kweki orwa akasatu ˆnaabhabhuusha ati, “Ku-nsongaki? Unu akorere kikayoki? Anye nitaamurora-ko engʼana rinu riisire eetwe! Mmbe woori naakamara okumutarika ebhibhooko, enimutaatira.” 23Nawe, abhaanu bhayo mbamwayira iiguru mbeendaga asungwe ku-musarabha. Obhuraka bhwebhwe mbuyiga. 24Piraato ˆnaaramura ati bhakore kutyo abheenda. 25ˆNeegurira Bharabha unu ꞉bhaariga mbeenda, ꞉aariga abhoyerwe kwa okubha ꞉aareetere obhusoko mu-bhaanu na obhwiti bhwa abhaanu. ˆNaabhayaana Yeesu, bhamukorere kutyo ꞉bheendaga.
Yeesu kaasungwa ku-musarabha
(Mataayo 27:32-44; Maariko 15:21-32; Yowana 19:17-27)
26Bhunu abhasirikare ꞉bhaariga mbasira Yeesu okumwita, mbanyookana na omuunu wumwi, riisiina ryaye Simooni, owa mu-musi gwa Kureene. Simooni uyo, ꞉aariga aasookere mw-isambu. Kimwi mbamugwata, mbamwitwikya omusarabha gwa Yeesu. ˆNaagugega ˆnaaseetaga Yeesu iinyuma, agwitwikire. 27Riisangi rya abhaanu ndimuseeta, agati weebhwe, ꞉bhaariga bhariwo abhagasi bhanu ꞉bhaariga mbamuririra. 28Yeesu ˆnaaringira iinyuma, ˆnaabhabhwira ati, “Emwe abhayara bha Yerusareemu, musige kundirira anye! Tari, mwiririre emitima gyemwe, muririre na abhaana bheemwe! 29Kwa okubha mumenye kujomu ati, ginsiku egiija ginu abhaanu bharyaikaga ati, ‘Nyakara abhagasi abhagumba, bhanu amabheere geebhwe gataneeniishe abhaana.’ 30Niwe bharyamba okubhwira ebhiima ati ‘Mukigwire!’ na ebhisuumwa ati ‘Mukisiikire!’ 31Kwa okubha bhaakakora amangʼana ganu kw-iti riibhisi, eyibha kutiki kw-iti eryumu?”#23:31 Riiti riibhisi eriyambaarira omuunu unu atari na bhikayo. Eryumu ni muunu unu ari na ebhikayo.
32Bhunu abhasirikare ꞉bhaasirire Yeesu, orusuku ruyo ꞉bhaasirirwe bhakayi abhandi bhabhiri bhoone bhagende okwitirwa amwi na Yeesu. 33Bhunu ꞉bhaayikire anu kaabhirikirwa ati Ekiyanga, mbasunga Yeesu ku-musarabha, mbasunga na abhakayi bharya ku-misarabha, owumwi orubhaara rwaye orwa ebhuryo, na owundi orubhaara rwa ebhumosi. 34Yeesu ˆnaaika ati, “Ee Raata! Nuubhaabhire! Kwa okubha bhatakumenya ganu abhakora.” Abhasirikare bhayo mbatuura ayo gingibho gya Yeesu mbabhuma inkuura bhagigabhane.#23:34 Mbabhuma inkuura bhagigabhane. ꞉Bhaatuuraga mu-kiinu ebhiti bhinu ꞉bhyariga bhiri na orunyamo amwi ati amagina ganu ꞉gaariga gari na amasiina, insonga abhasirikare bhasore inu ꞉yaagwiraga omuunu.
35Abhaanu ꞉bhaariga bhariwo bhayambaayega ayo mbaringiriraga. Abhakuru bha Abhayawudi, mbaamba okujabhura Yeesu mbaaikaga ati, “꞉Aariga ˆneerusha abhandi! Woori, raabhe niwe Kiriisitu unu asorerwe na Nyamuwanga ˆneeyerushe omwene!” 36Abhasirikare bharya bhoone mbamusangʼaya, mbamufugera-ko, bhamuyaane iidivaayi induru.#23:36 Ringira Ijabhuri 69:21. 37Enu mbaaika ati, “Raabhe ni awe omukama wa Abhayawudi, ambe nwiyerushe omwene!”
38Iiguru ku-musarabha gwa Yeesu, ꞉bhaariga bhatuuye-ko akabhaawu kakaamirwe-ko amakaamo, ati,
unu niwe omukama wa abhayawudi.
39Owumwi wa abhakayi bhanu ꞉bhaariga bhasungirwe, ꞉aafumire Yeesu ˆnaaikaga ati, “Toga ni awe Kiriisitu? Ambe! Nwiyerushe omwene! Ukyerushe kyone!” 40Nawe, oweejaabho ˆnaamuyiinya ˆnaaika ati, “Angu utakuubhaya Nyamuwanga? Indamuro inu bhakiramuriiye, niyo iyoiyo inu omuunu unu aramuriiywe. 41Nawe eswe, bhakiramuriiye okuseetana na ebhikorwa bhyeswe. Nawe unu, kitariwo kikayo kinu akorere.” 42Kimwi, ˆnaaika ati, “Ee Yeesu! Bhunu uriingira mu-bhukama bhwawo, uuyiite noone!” 43Yeesu ˆnaamusubhya ati, “Enikubhwira ekimari ati, reero inu owubha amwi na anye mu-rwire.”
Okufwa kwa Yeesu
(Mataayo 27:45-56; Maariko 15:33-41; Yowana 19:28-30)
44Bhunu ꞉yaayikire mu-mwisi mw-isuubha rya mu-ruwotoosi, ekyaro kyone kutyo nkibha kisuute okuyikira anu ginsa ꞉gyayikire kenda, 45riisuubha ꞉ryariga risimiriiye. Mw-iyekaru ꞉rwariga rurimo orugito rwa ingibho,#23:45 Orugito rwa ingibho. ꞉Rwariga nduyinga abhashengesi bhaasiga okwingira orubhaara orutaakatiifu muno, enu obhugungyo bhwa Nyamuwanga ꞉bhweekaraga. Orugito rwa ingibho, orwa iinyumba iitaakatiifu ya Nyamuwanga ꞉rwariga ruri rwa orugito rwa riiwuuna riitaakatiifu mu-kitabho kya Obhungʼaanyi 26:31-33. Ringira riingʼana Riiyekaru mu-Mangʼana Amakomeeye. ndutamuka ayoayo mabhaara gabhiri. 46Yeesu ˆnaamura obhuraka ˆnaarira ati, “Ee Raata! Enituura omwoyo gwani mu-mabhoko gaawo.”
47Na bhunu ꞉aamarire okwaika gayo, kimwi ˆnaafwa. Omukuru wa abhasirikare bhunu ꞉aarorere amangʼana gayo, ˆnaagungya Nyamuwanga, ˆnaaikaga ati, “Ku-kimari, omuunu unu aanaabheeye murengeresi mu-meeso ga Nyamuwanga!”
48Abhaanu bhoone kutyo, bhanu ꞉bhaarorere amangʼana gayo, mbasubha eweebhwe, enu bhasurumbaaye muno.#23:48 Ekiyunaani kyeki ekyaika ati ꞉bhaariga mbeebhuma ku-bhifubha okweresha ati bhasurumbaaye. 49Abhaanu bhoone kutyo bhanu ꞉bhaariga bhamenyeene na Yeesu na abhagasi bharya ꞉bhaaseetanaga nawe okusooka Gariraaya, ꞉bhaariga bhayambaariiye areera-wo, mbaringiraga ganu agakoreka.
Okubhiikwa kwa Yeesu
(Mataayo 27:57-61; Maariko 15:42-47; Yowana 19:38-42)
50ˆNaaja-wo omuunu wumwi, riisiina ryaye ˆnaatogwa Yuusufu. Yuusufu uyo, ꞉aariga ari wumwi wa abhakuru mw-ibharaja rya Abhayawudi, ari muunu wa mutima mujomu na ari murengeresi mu-meeso ga Nyamuwanga. 51Yuusufu ꞉aariga ari mwibhurwa wa mu-musi gwa Arimataaya Ebhuyawudi eyo. ꞉Aariga ˆnaarindirira obhukama bhwa Nyamuwanga, na ꞉aariga ateekirishaanyiishe na abheejaabho ku-kiina kyebhwe, na ateekirishaanyiishe na kinu ꞉bhaakoreeye Yeesu.
52Yuusufu uyo ˆnaagenda ku-Piraato ˆnaagenda ku-Piraato, ˆnaasabha ayaanwe omufu Yeesu agende okumubhiika. 53Piraato ˆneekirisha, Yuusufu ˆnaagenda okumwisha okusooka ku-musarabha. ˆNaamufwafya okwamba insanda injomu. Kimwi, ˆnaamumaamya mu-mbiiyira inu ꞉yaariga iroosiibhwe mw-igina iri nsenga.#23:53 Abhayawudi ꞉bhaariga mbabhiika abhafuuye mu-nsenga, egindi ꞉gyariga gibhaajirwe mu-matare ga mu-bhiima. Mu-mbiiyira muyo, ꞉bhaariga bhakyari okubhiika-mo omuunu woonewoone. 54Orusuku ruyo, ꞉rwariga ruri orusuku rwa okwirooseresha, na Insabhaato#23:54 Insabhaato. Riisuubha ꞉ryatubhiraga era ku-Kyakataanu Insabhaato niyamba, okuyikira anu riisuubha eritubhira kweki ku-Kyakasansabha. Abhayawudi bhatakubhiika abhaanu ku-rusuku rwa Insabhaato. ꞉yaariga iri ayeeyi okwingira.
55Abhagasi bhanu ꞉bhaariga bhari amwi na Yeesu okusooka Gariraaya, mbaseeta Yuusufu. Mbarora imbiiyira, na kutyo omufu Yeesu amaamiibhwe-mo. 56Kimwi mbasubha iika, mbaroosha amafuta na ebhirange ebhijomu ebhya okuyaka omufu Yeesu. Na orusuku rwa Insabhaato mbamuunya rwa kutyo ebhiraagiro ebhyaika.#23:56 Ringira Obhungʼaanyi 20:8-11; Ekiyiityo kya Ebhiraagiro 5:12-15.
Избрани в момента:
Ruuka 23: kya
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2023, Wycliffe Bible Translators, Inc. All rights reserved