लूका 20
20
यीशु रे अधिकार पैंदे प्रश्न
(मत्ती 21.23-27; मरकुस 11.27-33)
1एकसा धियाड़ी एडा होऊ कि जेबा सह देहुरे में उपदेशा दीनदअ लागदअ थी, होर सुसमाचार शुणाउदअ लागदअ थी, तेबा प्रधान याजक होर शास्त्री बडे प्राचीनों सगे इच्छी करे खड़े होई। 2होर बोलदे लागे, हामा वै खोज तुह याह काम कासु रै अधिकारे संघे करा, होर सह कुण साहा जासू तहावै याह अधिकार दिने? 3तेऊ उतर दिना, हाऊं भी तमा कअ एक प्रशन पूछा; महावै खोजा 4यूहन्ना रा बपतिस्मा स्वर्गा री तरफा का थी या मणशा री तरफा का थी? 5तेबा त्याह आपु में गल्ला करदे लागे अगर हामे बोले कि, स्वर्गा री तरफा का, तेबा तेऊ बोलणा, तेबा तमे बुशाह किवै नांई करू? 6होर हामे बोले, मणशा री तरफा कअ, तेबा सभी लोका हामा वै पाथर शोटणे, किवकी त्याह सची मना कि यूहन्ना भविष्यद्वक्ता थी। 7तेबा त्याह यीशु बे उतर दिंना, हामे नांई जांणदे कि सह कासकी तरफा का साहा। 8यीशुये त्याह वै बोलू तेबा हाऊं भी तमा वै नांई ख़ोजदअ कि हाऊं काम कासके अधिकार का करा।
दुष्ट किसाना रा दृष्टान्त
(मत्ती 21.33-46; मरकुस 12.1-12)
9तेऊकी सह लोका संघे दृष्टान्ता रे सावै गला खोज्दअ लागअ, कासु मणशे दाखा री बारी लाई, होर किसाना वै तेत्का ठेका दीना होर आपु सह प्रदेशा वै नाठअ। 10जेबा वक्त आउया तेबा तेऊये आपण एक नोकर दाखा री बारी मे भेजू की किसाना कअ फला रे भाग तेऊवै देए पर त्याहे सह ढाकु होर चि़कू होर खाली हाथे बापस भेजू। 11तेऊकी तेऊए त्याह सेटा वै एक होर नोकर भेजू, त्याह सह भी चिकि पाऊ होर तेऊरी वैइजती करी करे सह भी खाली हाथे भेजू। 12तेऊकी तेऊए चिऊणअ भेजू त्याह सह भी घायल करी करे भेजू। 13तेबा बगीचे रे मालके बोलू, हाऊं केह करू? महा आपण प्यार शोहरू भेजणअ तेऊए सह एडा सोची करे भेजू की त्याह एउरी इजत करले। 14जेबा किसाने सह हेरू त्याहे किसाने आपु में गला करी कि यह ऐउ बगीचे रअ हुणे आल़अ मालक साहा, ईच्छा हामा यह मारी पाऊण तेबा यह बगीचा हमारा हुणा। 15त्याहे सह ढाकु होर मारी पाऊ होर बगीचे बागे शोटू। तेबा दाखा री बारी रे मालका त्याह रा कैह करणा? 16तेऊ ईछी करे त्याहा कैह नाश करने होर सह बगीचा होरी वै दिणा। एता शुणी करे त्याहे बोलू, परमेश्वर एडा नांई होए। 17तेऊये त्याह फेरा वै भाली करे बोलू, तेऊकी यह कैह लिखू दा साहा, जासू पाथरा वै राज मिस्त्री माडअ खोजू सह कुणे रअ पाथर बणू। 18“जोह कोहे एउ पाथरा पैंदे पड़लअ सह चकनाचूर हूँणअं होर जासू पैंदे सह पड़णअं, सह पिशणअं।”
कैसरा वै कर दिणा
(मत्ती 21.33-46; मरकुस 12.1-12)
19तेऊ वक्ते शास्त्री होर प्रधान याजके सह ढाकण चाहू, किबेकी त्याह समझी, की तेऊ हामा वै यह दृष्टान्तअ खोजू, पर त्याह लोका का डरी। 20होर त्याहे तेतकी ताका में लागे होर एक भेदी भेजू कि धर्मी रे भेष बदली करे तेऊरी कैह ना कैह गला ढाक तेऊ राज्यपाला रे हाथे होर अधिकारा मे दे। 21त्याहे तेऊका यह पुछु हे गुरु, हामे जाणा की तूह बोला होर सीखाऊदा। होर कासी रअ पक्षपात नांई करद, पर परमेश्वरा रे रास्ते सचाई संघे खोजा। 22तेबा हामा वे खोज की कानूना रे सावे कैसरा वै कर दीणा, ठीक हासा की नांई? 23तेऊये त्याहा रे कपटा जाणी करे त्याहवै बोलू; 24एक दीनार महावै रिहाया त्याहे रियाहू यीशुये बोलू एता पैंदे कासरी मूर्ति साहा? त्याह बोलू कैसरा री। 25तेऊ त्याह वै बोलू, जोह कैसरा रा साहा तेता कैसरा वै देया; होर जोह परमेश्वरा रा साहा तेता परमेश्वरा वै देया 26त्याहे लोका रे सामने एता गल्ला में तेऊ ढाकी नांई सकी पर त्याह गल्ला शुणी करे हेरान होई करे चुप रही।
पुनरुत्थान होर ब्याहा
(मत्ती 22.23-33; मरकुस 12.18-27)
27तेऊकी जोह सदूकिये भी जोह एडा बोला, की जोह मुएदे रा पुनरुत्थान हुणा नांई आंधा ईछी करे त्याह में एखा तेऊक पूछते लागे। 28हे गुरु मूसा हामा वै यह लिखुदा साहा, जेबा कासके भाई विना शोहरू रे मरे होर तेऊरी बेटड़ी रहे, तेबा तेऊरअ भाई तेसा संघे ब्याह करे होर आपणे भाई वे बंश पैदा करे। 29सात भाई थी, पहिलअ भाई बिना शोहरू रे मुअ । 30तेऊकी दूजे भाई। 31होर चीहुण तेसा बेटड़ी संघे ब्ययाह करू होर सात भाई बिना शोहरू रे मुए। 32सभी का पीछे सह बेटड़ी भी मुई। 33जेबरे त्याह सवै पुनरुत्थान हुणे सह कासकी बेटड़ी हुणी किबेकि सह साता भाई री बेटड़ी रही दी थी, 34यीशु त्याह वै बोलू, एउ जुगे री संताना में ब्याह-शादी हुंदा। 35पर जोह लोका एता लायक ठहरने होर तेऊ जुगा बे होर मुएँदे मेंज़ा का पुनरुत्थान हूँणे बे प्राप्त करे त्याह नाह तअ ब्याह करना होर नाह ब्याह में दींणा 36त्याह तेहुकी मरने भी नांई; किबेकि त्याह स्वर्गा दूता रे बराबर हुणे, होर भी पुनरुत्थाना रे शोहरू हूँणे का परमेश्वरा रे भी शोहरू हूँणे। 37पर एसा गला बे कि मुएँदे रे जिऊंदे हूँणे मूसा भी झाखडा रा दृष्टान्ता में प्रगट करूदा साहा कि सह परमेश्वरा बे अब्राहमा रअ परमेश्वर, होर इसहाका रअ परमेश्वर होर याकूबा रअ परमेश्वर बोला। 38परमेश्वर ता मुर्दे रअ नांई पर जिऊंदे रअ परमेश्वर साहा किबेकि तेऊ नेड सभे जिऊंदे साहा। 39तेबा यह शुणी करे शास्त्री मेंजा का कई बोलू, “हे गुरु, तांई शोभला बोलू।” 40कासी भी तेऊका पूछण रा साहस नांई होऊ।
(मत्ती 22.41-46; मरकुस 12.35-37)
41तेऊकी तेऊये त्याह कअ पुछु, मसीहा वै दाऊदा रअ शोहरू कैहडे सावे होऊ। 42दाऊदे आपे भजन सहीता री कताबा में बोल्दा परमेश्वरे मेरे परमेश्वरा कअ बोलू, 43जेबरे तणी हांऊ तेरे शत्रु टांगा थंही री चौउकी नांई करलअ। 44दाऊद तेऊवै प्रभु बोला; तेबा सह तेऊरी संतान कैडह होऊ।
शास्त्री का साबधान
(मत्ती 23.1-36; मरकुस 12.38-40)
45जेबा सभे लोका शुणदे लागदे, तेबा तेऊ आपणे चेले वै बोलू, 46शास्त्री का सावधान रहा, जासू लामे-लामे चोगे बानी करे हाणडण ठीक लागा होर जासू बजारे नाहणा होर प्रार्थना घरा में नाशी करे बड़ी जागा होर धामा में बड़ी जागा शोभला लागा। 47त्याहा विधवा रे घरे कब्जा करा होर रिहाऊणे री तणी बडी देरी तणी प्रार्थना करा त्या बखे दण्ड भेटण।
Избрани в момента:
लूका 20: ISJNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.