यूहन्ना 16
16
1या गला मांई तमे संघे ऐतकी तणी बोली कि तमे ठोकर नांई खाए। 2त्या तमा प्रार्थना घरा मेंज़ा का काढ़णे, पर सह वक्त ईहन्दा, कि जासु तमे मारने तेऊ समझणा कि हाऊं परमेश्वरा री सेवा करा। 3ऐडा ऐतकी तणी करना कि त्याहे ना बापू जाणु होर नाह महा ज़ाणदे। 4पर या गला मांई तमे संघे ऐतकी तणी करी, कि जेबा याह रा वक्त ईहणा तेबा तमा याद ईहंणी कि मांई तमाबे पहिले बोलूदा।
पवित्र आत्मा रे काम
मांई तमाबे पहिल का या गला ऐतकी तणी करी किबेकि हाऊं तमे संघे थी। 5पर ऐबा हाऊं आपणे भेज़णे आले सेटा नाहंदा; होर तमा मेंज़ा का महा पूछतअ, तूह कई नाहंदा? 6पर मांई जोह गला तमाबे बोली ऐतकी तणी थारा मन शोका में भरू। 7तेबा भी तमाबे सच बोला कि मेरा नाहंणा थारी तणी ठीक साहा, अगर हाऊं नाहे तेबा साहायक तमा सेटा बे ईहंणअं; अगर हाऊं नाहलअ, तेबा तेऊ तमा सेटा बे भेज़लअ। 8तेऊ इछी करी संसारा रे पाप होर धार्मिकता होर न्याय रे बारे में संसार दोषी सिद्ध करनअ। 9पापा रे बारे में ऐतकी तणी कि त्या महा में बुशाह नांई करदे; 10होर धार्मिकता रे बारे में ऐतकी तणी कि हाऊं बापू सेटा बे नाहंदा, होर तमा हाऊं भी हेरणअं; 11न्याय रे बारे में ऐतकी तणी कि संसारा रअ सरदार दोषी ठहराऊण। 12महा तमाबे होर भी गला खोजणी थी, पर ऐबर तमे त्या सहन नांई करी सकते। 13पर जेबा सह सच्ची आत्मा ईहली, तेबा तमाबे सच्चाई री गला खोज़णी, किबेकि तेऊ आपणी तरफा का नांई बोलणी पर जोह कुछ शूणलअ सह बोलणा, होर ईहंण आली गला तमाबे खोज़णी। 14तेऊ मेरी महिमा करनी, किबेकि तेऊ मेरी गला मेज़ा का ही खोज़णी। 15जोह कुछ बापू रा साहा, सह सारा मेरा साहा; ऐतकी तणी मांई बोलू कि तेऊ मेरी गला मेंज़ा का तमाबे खोज़णी।
दुखा रा सुखा में बदलना
16थोड़ी दरी में तमा हाऊं हेरनअं, होर भी थोड़ी देरा बाद हेरनअं। 17तेबा तेऊरे चेले आपु में बोलू, “यह कैह साहा जोह यह हामा बे बोला, कि थोड़ी देरी में तमा हाऊं नांई हेरनअं, होर थोड़ी देरी में भी हेरनअं? ऐतकी तणी हाऊं बापू सेटा बे नाहंदा?” 18तेबा त्याहे बोलू, यह थोड़ी देर जोह यह बोला, कैह गलअ साहा? हामें ज़ाणदा कि यह कैह बोला। 19यीशु यह जाणी करे कि या महा का पूछणा चाहंदा, तेऊ बोलू, कैह तमे आपु में मेरी ऐसा गला रे बारे में पूछताछ करा, कि थोड़ी देरी में नांई हेरनअं, होर थोड़ी देरी बाद भी हेरनअं? 20हाऊं तमाबे सच-सच बोला कि तमे लेरने होर बिलाप करणा, पर संसारा खुशी मानाउणी; तमा शोक हूँणा, पर थारा शोक खुशी में बदलणा। 21सुईणे रे वक्त बेटड़ी शोक हूँदा, किबेकी तेसकी दुखा री घड़ी पूजी, पर तेऊकी बालका जन्म देई छेका, ऐसा खुशी का कि संसारा में एक मणश होऊ, तेऊ संकटा भी याद नाँई करदी। 22तेहू साबे तमा भी शोक साहा, पर महा तमाबे भी भेटणा कि थारे मन खुशी का भरने, होर थारी खुशी तमा का कासु भी नांई छीनणी। 23तेसा धियाड़ी तमा महा का किछ नांई पूछणा, हाऊं तमाबे सच-सच बोला, कि बापू का कुछ मागले, तेबा तेऊ मेरे ना का तमाबे दींणा। 24ऐबरे तणी तमे मेरे ना का किछे नांई मांगू; मांगा, तेबा तमा भेटणा कि थारी खुशी पूरी हो।
संसारा पेंदे जीत
25मांई या गला दृष्टान्ता में बोली, पर वक्त ईहंदा कि महा तमाबे भी दृष्टान्ता में बोलणा, पर खोली करे तमाबे बापू रे बारे में खोजणा। 26तेसा धियाड़ी तमे मेरे ना का मांगले; पर हाऊं तमाबे यह बोलदअ कि महा थारी तणी पिता का बिनती करणी; 27किबेकि बापू तअ आपे ही तमे संघे प्रेम डाहंदा, ऐतकी कि तमे मांई संघे प्रेम डाहु पर यह भी बुशाह करू कि हाऊं परमेश्वरा री तरफा का आउअ। 28हाऊं बापू री तरफा का संसारा में आउअद साहा; हाऊं भी संसारा छाडी करे बापू सेटा बे नाहंदा।
29तेऊरे चेले तेऊबै बोलू, हेरअ, ऐबा तअ तूह खुलिकरे बोला, होर कोई दृष्टान्त नाँई खोज़दअ। 30ऐबा हमें जाणु कि तूह सबे कुछ जाणा, होर ऐतकी जरूरत नाँई कि कोई ताहका पूछे; ऐताका हामे बुशाह करा कि तूह परमेश्वरा री तरफा का आउअद साहा।
31यह शूणी करे यीशु तयाबे बोलू, कि तमे ऐबा बुशाह करा। 32हेरा, घड़ी ईहंदा पर पूज़ी कि तमे सभे तितर बितर होई करे आपणी-आपणी बात ढाकणी, होर हाऊं तमा केलह नांई छाढनअं; तेबा भी हाऊं केलह नाँई आंधअ किबेकी बापू मांई संघे साहा। 33मांई या गला तमे संघे ऐतकी तणी बोली कि तमा महा में शांति भेटेए। संसारा में तमा दुःख हूँदा, पर हिमत डाहा, मांई संसार जीतू दअ आसा।
Избрани в момента:
यूहन्ना 16: ISJNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.